ޖަމަލެއް ސާފުކުރަނިކޮށް މޫނުގައި ދަތް އަޅައިގެން ޒަޚަމުވެއްޖެ
ޖަރުމަނުގެ ޒުލެއްގައި މަސައްކަތް ކުރާ އުމުރުން 54 އަހަރުގެ ފިރިހެނެއްގެ މޫނުގައި ދަތް އެޅުމުގެ ސަބަބުން ބޮޑެތި ޒަޚަމުތަކެއް ލިބިއްޖެއެވެ.
ބޭރުގެ މީޑިއާތަކުން މައުލޫމާތު ލިބޭ ގޮތުގައި، މި މީހާގެ މޫނުގައި ޖަމަލު ދަތް އެޅީ އެ ޖަމަލު ސާފުކުރަން އުޅެނިކޮށެވެ. އަދި ސާފުކުރުމުގައި ގާތްވާން ވާ ވަރަށް ވުރެ މާބޮޑަށް ގާތް ވެވުމުން ޖަމަލު ހިތްހަމަ ނުޖެހި ސާފުކުރަމުން ދިޔަ މީހާގެ މޫނުގައި ދަތް އެޅީކަމަށް ވެސް ބޭރުގެ މީޑިއާތަކުން ވަނީ ރިޕޯޓުކޮށްފައެވެ.
މިކަމުގެ ސަބަބުން އޭނާއަށް ލިބުނު ޒަޚަމުތަކަކީ ސީރިއަސް ޒަޚަމުތަކެއް ކަމަށާއި، މިހާރު ހޮސްޕިޓަލުގައި ފަރުވާ ދެމުންދާ ކަމަށް ވެސް ބޭރުގެ މީޑިއާތަކުން ރިޕޯޓު ކޮށްފައި ވެއެވެ. އަދި އޭނާގެ ހާލު ސީރިއަސް ކަމުގައި ވެސް އެ މީޑިއާތަކުގައި ރިޕޯޓުކޮށްފައެވެ.
މިވަގުތު ޖަރުމަނުގެ މި ޒޫ ވަނީ ބަންދު ކޮށްފައެވެ. ބަންދު ކުރެވުނީ ކޮވިޑު-19 އާ ގުޅިގެން ކަމުގައި ވެސް ބޭރުގެ މީޑިއާތަކުން މައުލޫމާތު ދީފައިވެއެވެ.
Ads by STO
