ޑުޕަރ ފިފްޓީން މަޅި ފުޓްސަލް ޗެލެންޖު މިރޭ ފަށަނީ!
މަޅި މޯލްޑިވްސް އިން ބާއްވާ "ޑުޕަރ ފިފްޓީން މަޅި ފުޓްސަލް ޗެލެންޖު 2021" މިރޭ 21:00 ގައި ފެށުމަށް ވަނީ ހަމަޖެހިފައެވެ.
މި މަހު 12 ވަނަ ދުވަހު މި މުބާރާތުގެ ގުރުއަތުލުން މާލޭ ސޯޝަލް ސެންޓަރުގައި ބާއްވައިފައި ވާއިރު، ޖުމުލަ 32 ޓީމު މި މުބާރާތުގައި ބައިވެރިވެފައިވެއެވެ.
މުބާރާތުގެ ފުރަތަމަ މެޗްގައި ބައްދަލުކުރާނީ ޕާކް ބޯއީސް އާއި ކުލަބު އޯ ވަން އޯ އެވެ. ކުލަބު އޯ ވަން އޯގައި ފުޓްސަލްގެ ގިނަ ތަރިންތަކެއް ހިމެނެއެވެ. އެގޮތުން، އިބްރާހިމް އަސްވަދު (ގަބޭ)، ޢަލީ ޝިފާއު (ރޮނާ)، އިބްރާހިމް ސިނާހު (ސިނާ)، އަދި މުޙައްމަދު ލިޔާހު ހިމެނެއެވެ.
މުބާރާތުގެ ދެވަނަ މެޗްގައި ކުޅޭނީ، ފުޓްސަލް ލެޖެންޑް އަޙްމަދު ވިސާލް (އަންދު) އާއެކު ނިކުންނަ ހަލަބޮލި އާއި، ރެމްޕޭޖްއެވެ. ރެމްޕޭޖްގައި ވެސް ފުޓްސަލްގެ ގިނަ ތަރިން ހިމެނެއެވެ. އެގޮތުން، މުޙައްމަދު ރަޝީދު (ހޮކޭ)، އަޙްމަދު އައިހަމް، އަޙްމަދު ވިޖުދާން (ވިޖުއްކޮ)ގެ އިތުރުން ޝިފާޒް އާދިލް (މަޓާ) ހިމެނެއެވެ. މިޓީމުގެ ގޯލް ބަލަހައްޓާނީ އައްޑޫގައި ދާދި ފަހުން ބޭއްވުނު ވަގުތު ފުޓްސަލް ޗެލެންޖްގެ ޗެމްޕިއަން އުސަގަނޑަ އެފްސީ ގެ ގޯލް ކީޕަރު އިބްރާހިމް ނާޖިހު (ހޭޓް) އެވެ.
މުބާރާތުގައި ޖުމްލަ 63 މެޗް ކުޅޭނެއެވެ. މި މުބާރާތުގެ މެއިން ސްޕޮންސަ އަކީ ބިގްމޭން ގެ ޑުޕްރ ފިފްޓީން އެވެ. ކޯ ސްޕޮންސަރ އަކީ އެސޯސިއޭޝަން ފޯ ޔޫތް އެމްޕަވަރމެންޓް އޮފް ގެމަނަފުށިއެވެ. މީގެ އިތުރުން ވަން ކްލިކް މޯލްޑިވްސްއިން ހޯސޭލްކުރާ ލެމާރ ޖޫސްޕެކެޓާއި، ހުޅުމާލޭ ޑްރައިވަރސް އެސޯސިއޭޝަންނަކީވެސް ކޯ ސްޕޮންސަރުންނެވެ. ބެވެރޭޖް ޕާޓްނަރަކީ ރެޑްބުލްއެވެ. ބޯލް ޕާޓްނަރަކީ މާކުއީ އެވެ. ސައުންޑް ޕާޓްނަރަކީ އޮފިޝަލް އިވެންޓްސް އެވެ. އަދި ޕްރިންޓިންގ ޕާޓްނަރަކީ ކުލަ މޯލްޑިވްސް އެވެ. މުބާރާޓުގެ މީޑިއާ ޕާޓްނަރުންނަކީ، ދެން، ވަގުތު، ފަހުމިނެޓް އަދި މޯލްޑިވްސް ފުޓްސަަލް ޕްލޭޔާރސްއެވެ.
އެހެނިހެން ސްޕޮންސަރުންނަކީ އަފޫ ޕެއިންޓްސް، މެރިލައިން މޯލްޑިވްސް، ޓޮޕް ތްރީ މޯލްޑިވްސްގެ އިތުރުން ޓްރިޕަލް އޭ އެޗް އެވެ.
މުބާރާތުގެ ޗެމްޕިއަން ޓީމަށް 25000 ރުފިޔާ އަދި ރަނަރ އަޕް ޓީމަށް 8000 ރުފިޔާ ވަނީ ހުށަހަޅާފައެވެ.
