ކޮވިޑް-19 އަށް ފައްސިވި މީހުންގެ އަދަދު 2000 އިން މައްޗަށް

އިތުރު 27 މީހަކު ފައްސިވެ، ކޮވިޑް-19 އަށް ފައްސިވި މީހުންގެ އަދަދު 2000 އިން މައްޗަށް އަރައިފިއެވެ.

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މި 27 މީހުންގެ ތެރޭގައި ހިމެނެނީ 14 ދިވެހިންނާއި، ބަންގްލަދޭޝްގެ 12 މީހެއްގެ އިތުރުން އިންޑިއާގެ މީހެއް ކަމަށެވެ.

މި 27 މީހުންނާއެކު ރާއްޖެއިން މި ބައްޔަށް ފައްސިވި މީހުންގެ ޖުމްލަ އަދަދު މިހާރު ވަނީ 2003 އަށް އަރާފައެވެ. މިހާރު ބައްޔަށް ފަރުވާ ދެމުން މިހާރު އަންނަނީ 800 މީހަކަށެވެ.