ޝިދާތާ އާއި ޒިޔާގެ ކައިވެނި ފެބްރުއަރީ 21 ގައި
ކުރީގެ ޖެންޑަރ މިނިސްޓަރު އައިޝަތު ޝިދާތާ ޝަރީފާއި، ފިލްމީ ތަރި އަހުމަދު ޒިޔާގެ ކައިވެނި މި މަހު 21 ގައި ބާއްވާ ގޮތަށް ހަމަޖެހިއްޖެއެވެ.
ނޫސްތަކުގެ ފަލަ ސުރުހީން އިއްޔެ ފެންނަމުން ދިޔައީ، ކުރިގެ މިނިސްޓަރު ޝިދާތާ އަދި ފިލްމީތަރި ޒިޔާ ކައިވެނިކުރުމަށް އެންގޭޖުވިކަމުގެ ޚަބަރެވެ،
ޝިދާތާއާއި ޒިޔާގެ ލޯބީގެ ގުޅުން ފެށުން ގޮތާމެދު "ވަގުތު" އިން ޝިދާތާއާ ކުރި ސުވާލުތަކަށް ޖަވާބު ދެއްވަމުން ވިދާޅުވީ، އެ ދެމީިހުން ދެމީހުންނަށް އަބަދުވެސް އެނގޭ ކަމަށާއި، ދެމީހުން ދިމާވީ ޚާާއްސަ ގޮތަކަށް ނޫން ކަމަށެވެ.
މީގެ އިތުރުން ދެމީހުން ލޯބީގެ ގޮތުން ވާހަކަ ދައްކަމުން ދާތާ އަދި ވާނީ އެންމެ ތިން މަސް ކަމަށާއި، ކައިވެނި ކުރަން ނިންމި ހިސާބުން ރަންކިޔުމާއި ކައިވެނީގެ ކަންކަން ކުރަން ނިންމީ ކަމުގައި ޝިދާތާ ވިދާޅުވި ކަމަށް "ވަގުތު" ގައި ލިޔެފައިވެއެވެ.
މީގެ އިތުރުން ޒިޔާ އަކީ ފިލްމު ކުޅުމުގެ އިތުރުން، ސިޔާސީ ޕާޓީއެއްގައި އުޅޭ މީހަކަށް ވުމުން އެކި މުނާސަބަތުތަކުގައި ދެމީހުން ވަރަށް ގިނައިން ދިމާވާ ކަމުގައި ޝިދާތާ ވިދާޅުވިކަމަށް އެ ނޫހުގައި ލިޔެފައިވެއެވެ.
