ފޭކު ކަރަންޓީނު ލިޔުމެއް ހުށަހެޅި މަޖިލިސް މުވައްޒަފަކު 10 ދުވަހަށް ސަސްޕެންޑު ކޮށްފި

ފޭކު ކަރަންޓީނު ލިޔުމެއް މަޖިލިސް އިދާރާއަށް ހުށަހެޅި، އެއިދާރާގެ މުވައްޒަފަކު 10 ދުވަހަށް ސަސްޕެންޑު ކޮށްފިއެވެ.

Ads by MWSC

ޑިރެކްޓަރ އޮފް މީޑިއާ އެންޑް ކޮމިއުނިކޭޝަން ހަސަން ޒިޔާޢު "ދެން" އަށް މައުލޫމާތު ދެއްވަމުން ވިދާޅުވީ އެފަދަ މައްސަލައެއް ފެންމަތިވެފައިވާ ކަމަށެވެ.

"އެކަހަލަ މައްސަލައެއް އެބައުޅޭ. އެމައްސަލައިގައި ހިމެނޭ މުވައްޒަފު މިހާރު ވަނީ 10 ދުވަހަށް ސަސްޕެންޑު ކޮށްފަ." ޒިޔާޢު ވިދާޅުވިއެވެ.

ޒިޔާޢު ވިދާޅުވީ އެމުވައްޒަފު ސަސްޕެންޑު ކޮށްފައި ވަނީ މިދިޔަ ހަފްތާގެ ތެރޭގައި ކަމަށެވެ.

އެނގިފައިވާ ގޮތުގައި އެމުވައްޒަފު ހުށަހަޅާފައި ވަނީ ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ކަރަންޓީނު ލިޔުމެއް ކަމަށް ބުނެ، ފޯޖު ކޮށްފައިވާ ލިޔުމެކެވެ.

މިމައްސަލައިގައި ސަސްޕެންޑު ކޮށްފައި ވަނީ އެއިދާރާގެ އަންހެން މުވައްޒަފެއްކަން ވެސް ވަނީ އެނގިފައެވެ.