މުންދުގެ ރައްދު ޔުމްނާ އަށް : ކަމަނާގެ ރައީސް ޞާލިޙަކީ ރޮކެޓު ސައިންޓިސްޓެއް ކަމަށް ޤަބޫލު ކޮށްފިން؟
އިދިކޮޅު ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިން ވެކްސިނާ ގުޅޭގޮތުން ދެއްކި ވާހަކަތަކަށް މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް ޔުމްނާ މައުމޫން ފާޑުވިދާޅުވުމުން، ޕީއެންސީގެ ނައިބު ރައީސް މުޙައްމަދު ޙުސެއިން ޝަރީފު (މުންދު) ރައްދު ދެއްވައިފިއެވެ.
އިންޑިއާއިން ރާއްޖެއަށް ހަދިޔާކުރި "ކޮވިޝީލްޑް" ވެކްސިން ޖެހުމާ ދެކޮޅަށް އިދިކޮޅު ޕީޕީއެމުން ދެއްކިކަމަށް ބުނެ "މިހާރު" ނޫހުން ލިޔެފައިވާ ރިޕޯޓެއް ޓްވިޓާގައި ހިއްސާ ކުރައްވަމުން މިނިސްޓަރ ޔުމްނާ ވިދާޅުވީ "ޕީީ.ޕީ.އެމް ގެ ސައެންޓިސްޓުންގެ ޓީމުން ޕީޕީ.އެމް ގެ ލެބްގައި ވެކްސީންއެއް ތައްޔާރު ކޮށްދެއްވި ނަމަ ރައްޔިތުންނަށް މާ ފަސޭހަ ވީސް ނޫންތޯ؟" އެވެ.
ކުރީގެ ރައީސް މައުމޫން ޢަބްދުލްޤައްޔޫމްގެ ދަރިކަނބަލުން ޔުމްނާގެ ފާޑުކިޔުއްވުމަށް ރައްދު ދެއްވަމުން މުންދު ވިދާޅުވީ ވެކްސިންގެ ވާހަކަ ދައްކަން "ސައެންޓިސްޓަކަށް ވާން ޖެހޭ ކަމަށް ޔުމްނާ ވިދާޅުވުމުން، ރައީސް އިބްރާހިމް މުޙައްމަދު ޞާލިހަކީ ރޮކެޓު ސައެންޓިސްޓެއް ކަމަށް ޤަބޫލު ކޮށްފިން ކަމަށެވެ.
"މިނިސްޓަރ ޔުމްނާ މައުމޫން. އަޅުގަނޑު ވެކްސިންގެ ވާހަކަ ދައްކަން ސައެންޓިސްޓަކަށް ވާންޖެހޭ ކަމަށް ވިދާޅުވުމުން، ކަމަނާގެ ރައީސް ޞާލިޙަކީ ރޮކެޓް ސައެންޓިސްޓެއް ކަމަށް ޤަބޫލު ކޮށްފިން؟ ޒުވާނުން މަތީ ތަޢުލީމަށް ދުނިޔެއިން ބޭރަށް ފޮނުވާނެކަމަށް ވިދާޅުވި ހަނދާން އެބަހުރި" މުންދު ވިދާޅުވިއެވެ.
ކަލޯ އަގަފެޅީ ކާލި ލާރިގަނޑު ކޮބާ.. މީހަކަށހެދީ ކާކު ލަނދުގަނެބަލަ….