އައްޑޫސިޓީގެ ޑެޕިއުޓީ މޭޔަރު ޔަސްރިފު އިސްތިއުފާ ދެއްވަނީ
އައްޑޫ ސިޓީގެ ޑެޕިއުޓީ މޭޔަރ، މުހައްމަދު ޔަސްރިފް މަގާމުން އިސްތިއުފާ ދެއްވަން ނިންމައިފިއެވެ.
އޮންލައިން ނޫސް "ވަގުތު" އަށް މައުލޫމާތު ދެއްވަމުން ޔަސްރިފު ވިދާޅުވީ އައްޑޫ ސިޓީގެ ޑެޕިޔުޓީ މޭޔަރުކަމުން އިސްތިއުފާ ދެއްވަން ނިންމަވާފައިވާ ކަމަށާއި އިސްތިއުފާ ދެއްވަނީ ވަކި ކަމަކާ ގުޅިގެނެއް ނޫން ކަމަށެވެ.
ކައުންސިލު ކަމުގައި ވަރަށް ގިނަ ދުވަހު ހުރެވިއްޖެ ކަމަށާއި އެހެން ކަމެއްވެސް ހޯދަން ޖެހޭ ކަމަށް ވިދާޅުވެ، އެ މަގާމުން އިސްތިއުފާ ދެއްވި ނަމަވެސް އޭނާ އަކީ ހިތަދޫ ދެކުނު ދާއިރާގެ ކައުންސިލަރު ކަމަށް ވެސް ޔަސްރިފު ވިދާޅުވިއެވެ.
"އަޅުގަނޑު މާދަމާއިން ފެށިގެން ޑެޕިއުޓީ މޭޔަރ މޭޔަރުގެ މަގާމުން އިސްތިއުފާ ދެނީ. ކައުންސިލް ކަމުގައި ވަރަށް ގިނަ ދުވަހު ހުރެވިއްޖެ. އެހެން ކަމެއްތާ ދެން ހޯދަން ޖެހޭނީ. އަޅުގަނޑު މާދަމާ މި އިސްތިއުފާ ދެނީ ޑެޕިއުޓީ މޭޔަރު ކަމުގެ މަގާމުން. އެހެންވީމާ މާދަމާ ވެސް އަޅުގަނޑަކީ ހިތަދޫ ދެކުނު ދާއިރާގެ ކައުންސިލަރ" ޔަސްރިފް ވިދާޅުވިއެވެ.
Ads by STO
