މިއަދު 554 މީހުންނަށް ކޮވިޑް-19ގެ ވެކްސިން ދިން
ފެތުރެމުންދާ ކޮވިޑް-19 އިން ރައްކާތެރިވުމަށް މިއަދު ރާއްޖެއިން 554 މީހުންނަށް ވެކްސިން ދީފިއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމުކޮށްފައިވާ ގޮތުގައި އިއްޔެ ވެކްސިން ޖަހަން ފެށި ވަގުތުން ފެށިގެން މިއަދު އިރުއޮއްސި 6:00އާ ހަމައަށް މާލެ ސަރަޙައްދުން ޖުމްލަ 666 މީހެއްގެ ގަޔަށް ވެކްސިން ޖަހާފައިވެއެވެ.
ރާއްޖޭގައި މިހާތަނަށް މުޅި ޖުމްލަ 880 މީހުން ގަޔަށް ވެކްސިން ޖަހާފައި ވެއެވެ.
ރާއްޖޭގައި ވެކްސިން ޖަހަނީ މާލެ ސަރަޙައްދު (މާލެ، ވިލިމާލެ، ހުޅުމާލެ)، އައްޑޫސިޓީ އަދި ކުޅުދުއްފުށީ ގައެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާއްމުކޮށްފައިވާ ސާވޭލަންސް ޑޭޓާއަށް ބަލާއިރު މިއަދު ރާއްޖެއިން ކޮވިޑަށް ފައްސި ވެފައިވަނީ މާލެއިން 82 މީހުންނާއި، އަތޮޅުތެރެއިން 5 މީހަކާއި ހިންގަމުން އަންނަ ރިސޯޓުތަކުން 12 މީހެކެވެ.
މިހާރު ރާއްޖެއިން މިބައްޔަށް ޖުމްލަ 16،155 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައިވަނީ ޖުމްލަ 14،263 މީހުންނެވެ. އަދި މިބަލީގައި ރާއްޖެއިން ނިޔާވި މީހުންގެ ޖުމްލަ އަދަދު މިހާރު 52 އެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 186 މީހުންނެވެ.
Ads by STO
