Monday, 16 November 2026
Advertisement
MWSC — SmartMeter (leaderboard)
ސަރުކާރު

ރަސްމާލެ މާސްޓަރ ޕްލޭނަށް ކޮންސަލްޓެންސީދޭނެ ފަރާތެއް ހޯދަނީ

ރަސްމާލޭގެ މާސްޓަރ ޕްލޭން ތައްޔާރުކޮށްދޭނެ ފަރާތެއް ހޯދުމަށް ބީލަން ހުށަހެޅުމުގެ ފުރުސަތު ބިނާރާ ބެހޭ ވުޒާރާއިން ހުޅުވާލައިފިއެވެ.

ފޮޓޯ: ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާ
ފޮޓޯ: ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާ

ރަސްމާލެ މަޝްރޫޢުގެ މާސްޓަރ ޕްލޭން ތައްޔާރުކުރުމަށް ބޭނުންވާ ކޮންސަލްޓެންސީ ފޯރުކޮށްދޭނެ ފަރާތެއް ހޯދުމުގެ މަސައްކަތް ސަރުކާރުން ފަށައިފިއެވެ.

ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ވަނީ މިކަމަށް ޝައުޤުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު ހުޅުވާލާފައެވެ.

މި މަސައްކަތާ ގުޅޭ މަޢުލޫމާތު ސާފުކުރަން ބޭނުންވާ ފަރާތްތަކުން މި މަހުގެ 16ވަނަ ދުވަހުގެ 12:00ގެ ކުރިން އެކަން ހުށަހަޅަން ޖެހެއެވެ. ބީލަން ހުށަހެޅުން އޮންނާނީ އަންނަ ޑިސެންބަރު މަހުގެ 2ވަނަ ދުވަހުގެ ހެނދުނު 09:00ގައި އެ ވުޒާރާގައެވެ. މި ބީލަމާ ގުޅޭގޮތުން މަޢުލޫމާތު ދިނުމުގެ ވަކި ބައްދަލުވުމެއް ނޯންނާނެ ކަމަށް ވެސް ބިނާރާ ބެހޭ ވުޒާރާއިން ބުނެފައިވެއެވެ.

ރަސްމާލެ މަޝްރޫޢަކީ މާލެ ސަރަޙައްދުގެ ބޯހިޔާވަހިކަމުގެ މައްސަލައަށް ދާއިމީ ޙައްލެއް ހޯދައިދިނުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ އެންމެ ބޮޑު ތަޞައްވުރެވެ. 1,000 ހެކްޓަރުގެ ބިން ހިއްކައިގެން ކުރިއަށްގެންދާ މި މަޝްރޫޢުގެ ދަށުން، ކުރިއަށް އޮތް 20 އަހަރު ދުވަހުގެ ތެރޭގައި 200,000 ހައުސިން ޔުނިޓު ތަރައްޤީކުރުމަށް ވަނީ އަމާޒު ހިފާފައެވެ.

ތިމާވެއްޓާ ރައްޓެހި "އީކޯ ސިޓީ" އެއްގެ ގޮތުގައި ތަރައްޤީކުރާ މި ރަށުގައި ހަކަތަ ފޯރުކޮށްދިނުމަށް ނިންމާފައި ވަނީ އިޢާދަކުރަނިވި ވަސީލަތްތައް ބޭނުންކޮށްގެނެވެ. މީގެ އިތުރުން، ރަސްމާލޭގެ 500 ހެކްޓަރު އިންޓަގްރޭޓެޑް ރިއަލް އެސްޓޭޓް ޒޯނެއްގެ ގޮތުގައި ތަރައްޤީކުރުމަށް އަބޫ ދާބީގެ އީގަލް ހިލްސް ކުންފުންޏާ އެކު މިހާރު ދަނީ މަޝްވަރާ ކުރަމުންނެވެ. މި މަސައްކަތަށް ބޭނުންވާ ޤާނޫނީ އޮނިގަނޑު އެކުލަވައިލުމަށް ރިއަލް އެސްޓޭޓް ވިޔަފާރީގެ ބިލެއް ވެސް މިހާރު ވަނީ މަޖިލީހަށް ހުށަހަޅާފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.