އައްޑޫ ސިޓީގައި ކާފިޢު އިޢުލާންކޮށްފި
ރޭގަނޑު 8:00 އިން ފެށިގެން ފަތިހު 4:00 އަށް، އެއްގަމު އުޅަނދުފަހަރު ދުއްވުމާއި، މަގުމައްޗާއި އާންމު ތަންތަނަށް މީހުން ނުކުތުން މަނާކޮށް އައްޑޫގައި ކާފިޢު އިޢުލާން ކޮށްފިއެވެ.
ދެންމެ އެޗްޕީއޭއިން އާންމު ކުރި ބަޔާނެއްގައި ބުނެފައި ވަނީ 2021 ފެބުރުވަރީ 10 ވަނަ ދުވަހުން ފެށިގެން، 7 ދުވަހުގެ މުއްދަތަށް، އައްޑޫ ސިޓީގައި ރައްކާތެރި ކަމުގެ ފިޔަވަޅުތަކެއް ވަނީ އަޅާފައި ވާ ކަމަށެވެ.
މިގޮތުން އެޅި ފިޔަވަޅު ތަކަކީ؛
- ޕާޓީތަކާއި، ޙަފްލާތަކާއި، ރަސްމިއްޔާތުތައް ބޭއްވުން ހުއްޓައިލުން.
- ރޭގަނޑު 00:8 އިން ފެށިގެން ފަތިހު 00:4 އަށް، އެއްގަމު އުޅަނދުފަހަރު ދުއްވުމާއި، މަގުމައްޗާއި އާންމު ތަންތަނަށް މީހުން ނުކުތުން މަނާކުރުން.
- އައްޑޫ ސިޓީގެ އެއް ރަށުން އަނެއް ރަށަށް ދަތުރުކުރުން ހުއްޓައިލުމާއި، އެއް ގެއިން އަނެއް ގެއަށް ޒިޔާރަތް ކުރުން ހުއްޓައިލުން. މީގެ ތެރޭގައި ޒަރޫރީ ބޭނުންތަކާއި ޞިއްޙީ ފަރުވާ ހޯދުމަށް ދާ ދިޔުމެއް ނުހިމެނެއެވެ.
- އެއްފަހަރާ 3 މީހުންނަށްވުރެ ގިނަމީހުން މަގުމައްޗާއި އާންމު ތަންތާގައި އެއްވެ އުޅުން ހުއްޓައިލުން.
- ސެލޫންތަކާއި، ޖިމްތާކާއި، ބޯކޮށާ ތަންތަން ބަންދުކުރުން.
- .ހުރިހާ ކުޅިވަރު ހަރަކާތްތަކާއި، ކަސްރަތުގެ ހަރަކާތްތައް ހިންގުން ހުއްޓައިލުން.
- ޕަބްލިކް ޓްރާންސްޕޯޓުގެ ޚިދުމަތް ދޭ ފަރާތްތަކުންނާއި ޓެކްސީގެ ޚިދުމަތް ދޭ ފަރާތްތަކުން، ހެލްތް ޕްރޮޓެކްޝަން އެޖެންސީން އާންމުކޮށްފައިވާ ގައިޑްލައިނާ އެއްގޮތަށް ޓެކްސީގެ ޚިދުމަތް ދިނުން.
- ފިރާތަކާއި ބޭންކުތައް ފަދަ އާންމު ޚިދުމަތް ދޭ ތަންތަނުގައި ޚިދުމަތް ދޭއިރު ހެލްތު ޕްރޮޓެކްޝަން އެޖެންސީން އާންމުކޮށްފައިވާ ގައިޑްލައިނާ އެއްގޮތަށް ގައިދުރުމިން ބެހެއްޓުމާއި، ތަނަށް ވަދެވޭ އަދަދު ކަނޑައެޅުމާއި، ރައްކައުތެރި ކަމުގެ އެހެނިހެން ފިޔަވަޅުތައް އަޅައިގެން ޚިދުމަތް ދިނުން.
- ޔުނިވަރސިޓީތަކާއި، ކޮލެޖްތަކާއި، ސްކޫލުތަކަށް ދަރިވަރުން ހާޒިރުވެގެން ކްލާސްތައް ކުރިޔަށް ގެންދިޔުން ހުއްޓައިލުން.
- .ހޮޓާތަކާއި، ކެފޭތަކާއި، ރެސްޓޯރަންޓް ތަކުން ދެމުންގެންދާ ޚިދުމަތްތައް ހުއްޓައިލުން. މީގެ ތެރޭގައި ޑެލިވަރީގެ ޚިދުމަތް ދިނުމެއް ނުހިމެނެއެވެ
އައްޑޫސިޓީ ގައި ކާފިއު އިއުލާނުކޮށް ފިޔަވަޅުތައް ވަރުގަދަ ކޮށްފައި މިވަނީ މިމަހުގެ 5ވަނަ ދުވަހު، ކަރަންޓީނުގައި ނެތް ދެމީހަކު ހިތަދޫން ކޮވިޑް-19 އަށް ފައްސިވުމާ ގުޅިގެން އުފެދުނު ކްލަސްޓާ އަކާއި ގުޅިގެންނެވެ.
މިކްލަސްޓާއިން ގދ. ތިނަދޫން ވެސް ވަނީ ބަޔަކު ކޮވިޑަށް ފައްސިވެފައެވެ.
މީގެއިތުރުން އައްޑޫސިޓީ ހުޅުމީދޫން އުފެދުނު ކްލަސްޓާއެއްގައި 24 މީހަކު މިހާތަނަށް ކޮވިޑަށް ފައްސިވެފައި ވެއެވެ.
