ކަޕޫރު އާއިލާއަށް ހިތްދަތި އަހަރެއް
ބޮލީވުޑުގެ މަޝްހޫރު އެކްޓަރު ރާޖިވް ކަޕޫރުގެ ކުއްލި މަރާއެކު މުޅި އިންޑިއާއަށް ވެސް ލިބިފައިވަނީ ކުއްލި ސިހުމެކެވެ. އަދި މިޚަބަރާއެކު ބޮލީވުޑު އާއިލާއަށް ވެރިވެގެން ދިޔައީ ފުން ހިތާމައެކެވެ.
ރާޖިވް ކަޕޫރުގެ މަރާއެކު މިއީ މި ފާއިތުވި އަހަރެއް ދުވަހުގެ ތެރޭގައި ކަޕޫރު އާއިލާއިން މަރުވި ތިން ވަނަ މީހާއެވެ. މިދިޔަ އަހަރުގެ އެޕްރީލް 30 ވަނަ ދުވަހު އެ އާއިލާއިން ފުރަތަމަ މަރުވީ ރިޝީ ކަޕޫރެވެ. އަދި ރަޖީވްގެ ދައްތަ ރީތޫ ނަންތާ މަރުވީ 2020ގެ ޑިސެމްބަރު މަހުގައެވެ.
އަދި މިއަދު ރާޖް ކަޕޫރުގެ ތިން ފިރިހެން ދަރިންގެ ތެރެއިން އެންމެ ހަގު ދަރި ރާޖީވް ކަޕޫރު ވަނީ މަރުވެފައެވެ. ރާޖީވް މަރުވީ އުމުރުން 58 އަހަރުވީ ރަޖިވް މަރުވީ ހާޓް އެޓޭކެއް ޖެހިގެންނެވެ.
ރާޖް ކަޕޫރުގެ ތިން ދަރިން އަހަރެއްހާ ދުވަހުގެ ތެރޭގައި މި ދުނިޔެ ދޫކުރުމަކީ ފިލްމު އިންޑަސްޓްރީއަށް ވެސް ލިބުނު ބޮޑު ގެއްލުމެއްގެ ގޮތުގައި ގިނަ ބަޔަކު އަންނަނީ ފާހަގަކުރަމުންނެވެ.
މިކަމާ ގުޅިގެން ބޮލީވުޑުގެ ގިނަ ބަޔަކު އަންނަނީ ހިތާމަ ފާޅު ކޮށް، ކަޕޫރު އާއިލާއަށް ތައުޒިޔާ ފޮނުވަމުންނެވެ.
