ހަނޑޫ ދޮވުމަށްފަހު ބާކީވާ ފެންތައް އުކާނުލާ، ތިޔަ ބޭކާރު ކޮށްލެވެނީ ވަރަށް މުހިންމު ފެނެއް

ދިރާސާތަކުން ދައްކާ ގޮތުގައި ހަނޑޫ ދޮވުމަށް ފަހު ބާކީވާ ފެންފޮދު ގިނަ ބަޔަކު އުކާލައެވެ އެގޮތުން ކޮންމެ 10 މީހެއްގެ ތެރެއިން 9 މީހުންނަކީ މިގޮތަށް ހަނޑޫ ފެންތައް އުކާލާ މީހުން ކަމަށް ދިރާސާތަކުން ދައްކައެވެ. ނަމަވެސް މި ފެނުން ފައިދާހުރި އެތައް ބޭނުމެއް ކުރެވިދާނެއެވެ.

Ads by STELCO

އެހެންކަމުން ދެން ފަހަރަކުން ހަނޑޫ ދޮވުމަށްފަހު ބާކީވާ ފެންފޮދު އުކާ ނުލާށެވެ. އޭގެ ބަދަލުގައި ފުޅިއެއް ކަހަލަ އެއްޗަކަށް އެޅުމަށްފަހު ބަހައްޓައްޗެވެ. އަދި ފަހުން ކޮންމެވެސް ކަހަލަ ބޭނުންތެރި ކަމަކަށް އެ ފެން ބޭނުން ކުރާށެވެ. އެ ފެނުން ކުރެވިދާނެ ބައެއް ކަންކަން ތިރީގައި މިވަނީއެވެ.

ރީތިވާ ސާމާނު އުފެއްދުން

އޭޝިއާ މީހުންނަކީ ހަނޑޫފެން ބޭނުން ކޮށްގެން ރީތިވާ ސާމާނު (ބިއުޓީ ޕްރޮޑަކްޓްސް) އުފެއްދުމުގައި ނަން މަޝްހޫރު ބައެކެވެ. އަދި މިހާރު ޔޫރަޕުގެ ބައެއް ގައުމުތަކުން ވެސް ވަނީ ހަނޑޫފެން ބޭނުން ކޮށްގެން ރީތިވާ ސާމާނު އުފެއްދުމުގެ މަސައްކަތް ފަށާފައެވެ. ހަނޑޫ ފެނުގައި ހިމެނޭ ބައެއް މާއްދާތައް ކަމަށް އެންޓި އޮކްސިޑެންޓާއި މިނަރަލްސް އަދި ވިޓަމިން ބީ އަދި އީގެ ސަބަބުން މި ފެން ވެފައި ވަނީ ފައިދާހުރި ފެނަކަށެވެ. އެގޮތުން ހަނޑޫފެން ބޭނުން ކޮށްގެން ޒުވާން ކަންމަތީ ދެމިހުރުމަށް ބޭނުން ކުރާ ކްރީމްތަކާއި އަދި ޝޭމްޕޫ ވެސް އުފެއްދެއެވެ. އަދި މި ޝޭމްޕޫތަކަކީ އިސްތަށިގަނޑު ވަރުގަދަ ކޮށްދޭ ޝޭމްޕޫ ތަކެކެވެ.

ހަންގަނޑަށް ފައިދާހުރި އެއްޗެއް

ހަނޑޫ ފެނަކީ ހަންގަނޑަށް ވެސް ވަރަށް ފައިދާ ހުރި އެއްޗެކެވެ. އެގޮތުން ހަންގަނޑު ސާފު ކުރުމަށްޓަކައި ހަނޑޫފެން ބޭނުން ކުރެވިދާނެއެވެ، އެހެންކަމުން ހަނޑޫފެން އުކާލުމުގެ ބަދަލުގައި އޭގެން މޫނު ދޮންނާށެވެ. ހަނޑޫ ފެނުގައި ހިމެނޭ ވިޓަމިން ބީގެ ސަބަބުން އައު ސެލްތައް އުފެދުމަށް މަގުފަހިވެ ހަންގަނޑު ރީތި ކޮށްދެއެވެ. އަދި ހަންގަނޑުން ރޫތައް ވެސް މަދުވެ ހަންގަނޑު އޮމާން ވެއެވެ.