ރުޅި ވުމަށްފަހު ރަންބީރު އާއެކު މަސައްކަތް ކުރަން އެހާ އުނދަގުލެއް ނޫން: ދީޕިކާ
އިންޑިއާގެ ފިލްމީ ތަރިން ދީޕިކާ ޕަޑުކޯން އާއި ރަންބީރް ކަޕޫރު، އަކީ މީގެ ކުރިން ރައްޓެހިވެގެން އުޅުމަށް ފަހު ވަކިވި ދެ ތަރިންނެވެ. 2008 ވަނަ އަހަރު މި ދެ މީހުން ރަށްޓެހިވެފައިވާ އިރު، ރުޅިވެފައި ވަނީ އޭގެ އަހަރެއްހާ ދުވަސް ފަހުންނެވެ.
އެއާއެކު ބައެއް ފޭނުން ހީކުރީ މި ދެ ތަރިން ދުވަހަކު ވެސް އެކުގައި މަސައްކަތް ނުކުރާނެ ކަމަށެވެ. ނަމަވެސް 2013 ވަނަ އަހަރު ދީޕިކާ އަދި ރަންބީރު ވަނީ ޔޭ ޖަވާނީ ހޭ ދިވާނީ ފިލްމުގައި އެކުގައި މަސައްކަތް ކޮށްފައެވެ.
އާންމުކޮށް ކުރީގެ ލޯބިވެރިން އެކުގައި މަސައްކަތް ކުރުމަކީ ގިނަ މައްސަލަތަކެއް ދިމާވާ ކަމެއް ނަމަވެސް، ދީޕިކާ ވަނީ ރަންބީރު އާއެކު މަސައްކަތް ކޮށްލަން ވަރަށް ފަސޭހަ ކަމަށް ބުނެފައެވެ.
މީގެ ކުރިން މީޑިއާތަކަށް ދިން އިންޓަވިއުއެއްގައި ދީޕިކާ ބުނީ އެ ފިލްމުގެ ޝޫޓިންތައް ދިޔައީ ވަރަށް މަޖާކޮށް ކަމަށެވެ. އަދި ރަންބީރުގެ އިތުރުން އާޔަން އާ އެހެން ރައްޓެހިންނާއެކު އެ ފިލުމުގެ ޝޫޓިން ނިންމާލެވުނީ ވަރަށް ހިތްހަމަޖެހިގެން ކަމަށް ދީޕިކާ ބުންޏެވެ.
