ކޮވިޑް-19: ތިނަދޫން މީހަކު ފައްސިވެއްޖެ
ގދ. ތިނަދޫން މީހަކު ކޮވިޑް-19 އަށް ފައްސި ވެއްޖެއެވެ.
ތިނަދޫ ޢަބްދުއްސަމަދު މެމޯރިއަލް ހޮސްޕިޓަލުން ބުނީ އެރަށުގައި ހޯމް ކަރަންޓީނުގެ 10 ދުވަސް ފުރިހަމަ ކުރުމަށްފަހު 17 ފެބްރުއަރީ 2021 ވީ ބުދަ ދުވަހު ނެގި ސާމްޕަލުތަކުގެ ތެރެއިން އެއް ސާމްޕަލް ކޮވިޑް-19 އަށް ފައްސި ވެފައިވާ ކަމަށެވެ.
ތިނަދޫން މީގެކުރިންވެސް ތިން މީހަކު ކޮވިޑަށް ފައްސިވެފައި ވެއެވެ. މި ތިން މީހުންގެ ތެރެއިން ދެ މީހުންނަކީ އައްޑޫ ސިޓީ ހިތަދޫން ފައްސިވި މީހުންނާއި ގުޅުންހުރިި ތިން މީހުންނެވެ. އަނެއް މީހާއަކީ ރަށު ތެރެއިން ނެގި ރޭންޑަމް ސާމްޕަލަކުން ފައްސިވި މީހެކެވެެ.
އައްޑޫ ކްލަސްޓާއާ ގުޅުންހުރި ދެ މީހަކު ތިނަދޫން ފައްސިވުމުން އެރަށް މީގެކުރިން މޮނީޓަރިންގަށް ލުމަށްފަހު އަލުން އާންމު ޙާލަތަށް ލާފައިވަނީ އިއްޔެއެވެ.
މޮނިޓަރިންގެ ހާލަތުން އެރަށް ނަގާފައި ވަނީ ޑައިރެކްޓް ސާމްޕަލް ނެގިއިރު، އޭގެ ތެރެއިން އެއްވެސް މީހަކު ފައްސިވެފައި ނުވާތީއެވެ.
Ads by STO
