މަކަރާއި ހީލަތުން ފައިސާ ހޯދަމުންދާ ކަމުގެ ތުހުމަތުގައި މީހަކު ހޯދުމަށް ފުލުހުން އާންމުކޮށް އިއުލާން ކޮށްފި

މަކަރާއި ހީިލަތުން ފައިސާ ހޯދަމުން އަންނަ ކަމުގެ ތުހުމަތުގައި ހުޅުމާލެ ފުލުހުންނަށް ހުޅުހަޅާފައިވާ މައްސަލައަކާ ގުޅިގެން މީހަކު ހޯދުމަށް ފުލުހުން އާންމުކޮށް އިއުލާނު ކޮށްފިއެވެ.

ފުލުހުންގެ ތަހުގީގަށް ހޯދަމުން އަންނަނީ މަޢުރޫފް ޢަލީ، ބ. އޭދަފުށި/ ނާދީ، A110673، (37އ) އެވެ. މަޢުރޫފަކީ މަކަރާއި ހީލަތުން ފައިސާ ހޯދާ ކަމުގެ ތުހުމަތުގައި ތަހުގީގަށް ބޭނުންވި ނަމަވެސް އޭނާ އުޅޭ ތަނެއް ފުލުހުންނަށް ނޭނގުމުގެ ސަބަބުން ޗިޓް ނުފޮނުވިފައިވާ މީހެއް ކަމަށް ފުލުހުން ބުނެފައި ވެއެވެ.

އޭނާ ތަހުގީގަށް ހާޒިރު ވުމަށް ހަމަޖެހިފައިވަނީ 03 މަރޗް 2021 ވަނަ ދުވަހުގެ މެންދުރުފަހު 14:00 އަށް ހުޅުމާލޭ ފުލުސް އޮފީހަށެވެ.