ކެފޭ އަކަށް ފުލުހުން ވަންނަން އުޅުމުގެ ތެރޭގައި އަނިޔާވި މީހާއަށް އެމަޖެންސީގައި ފަރުވާ ދެނީ
އިދިކޮޅު ޕްރޮގްރެސިވް ކޯލިޝަނުން މިއަދު ހަވީރު މާލޭގައި ހިންގި މުޒާހަރާ ރޫޅާލާ، ކެފޭ އަކަށް ފުލުހުން ވަންނަން އުޅުމުގެ ތެރޭގައި އަނިޔާވި މީހާއަށް އެމަޖެންސީ ގައި ފަރުވާ ދެމުންދާ ކަމަށް އައިޖީއެމްއެޗުން ބުނެފިއެވެ.
"ދެން" އަށް މައުލޫމާތު ދެއްވަމުން އެހޮސްޕިޓަލުގެ މީޑިއާ އޮފިޝަލަކު ވިދާޅުވީ އަނިޔާވީ މީހާއަށް އެމަޖެންސީ ގައި ފަރުވާ ދެމުންދާ ކަމަށާއި ޑޮކްޓަރުން ދަނީ ބަލަމުން ކަމަށެވެ.
ލެ ސޫކް ކެފޭ ތެރެއަށް ފުލުހުން ވަންނަން އުޅުމުގެ ތެރޭގައި އެތަނުން ނުކުތް މީހަކު ފުލުހުން ވަނީ ކޮށްޕާލާފައި ކަމަށާއި، ކޮށްޕާލުމުގެ ސަބަބުން އެމީހާ އެތަނުގެ ތަނބުގައި ޖެހި ބޯ ފަޅައިގެން ގޮސްގެން ވެއްޓުނު ކަމަށް އެވަގުތު އެސަރަޙައްދުގައި ތިބި ބައެއް މީހުން ބުނެފައި ވެއެވެ.
ނަމަވެސް ފުލުހުން މިކަމާ ގުޅޭގޮތުން ވިދާޅުވީ މުޒާހަރާ ކޮންޓްރޯލު ކުރުމަށް މަސައްކަތް ކުރަމުން ދިޔަ ފުލުހުންގެ ސަފު ރޫޅާލާ، ކެފޭ އެއްގެ ތެރެއަށް ވަން ބައެއްގެ ގައިގައި އެތަނުން މީހަކު ޖެހި ވެއްޓުމުގެ ސަބަބުން ބޯ ފަޅައިގެން ގޮސްފައިވާ ކަމަށެވެ.
އަނިޔާވި މީހާއަށް ފަރުވާ ދިނުމަށް ފުލުހުންގެ ވެހިކަލްގައި ވަނީ އެމީހާ އައިޖީއެމްއެޗް އަށް ގެންގޮސްދެއްވާ ފައެވެ.
މިހާދިސާ ގައި އަނިޔާވެފައި ވަނީ އިދިކޮޅު އެކްޓިވިސްޓެއް ކަމަށްވާ އުމުރުން 52 އަހަރުގެ މޫސަ (ބިއްލޫރި މޫސަ) އަށެވެ.
ބިއްލޫރި ތަޅައިގެންދާނެ ވެއްޓުމުން