ކޮވިޑް-19: ބަލީގެ އިތުރު އަލާމާތްތަކެއް ސީޑީސީން ހާމަކޮށްފި!
ދުބާއީ: ސެންޓަރ ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން ކޮވިޑް-19 ގެ އިތުރު ހަތަރު އަލާމާތެއް އާއްމުކޮށްފައވެ.
އެގޮތުން އާއްމުކޮށްފައިވާ އައު އަލާމާތްތަކުގެ ތެރޭގައި ހިމެނެނީ ހޮޑުލެވުން ނުވަތަ ލަވައިގަތުމާއި، ބޭރަށް ހިންގުމާއި، ނޭފަތުން ރޯގާއައުމުގެ އިތުރުން ރޯގާ ޖެހުމުގެ ސަބަބުން ނޭވާލާ ހޮޅީގައިވެސް ރޯގައި އުފެދި އެހޮޅި ބެދުމެވެ.މުޅި ދުނިޔެއަށް ފެތުރިފައިވާ ކޮވިޑް-19 ގެ ސަބަބުން ގާތްގަނޑަކަށް 12 މިލިއަން މީހުންނަށް މިބަލީގެ އަސަރު ކޮށްފައިވާއިރު، ބައެއް ފަރާތުގެ ހަށިގަނޑުން ކޮވިޑް ގެ އެއްވެސް އަލާމާތެއް ނުފެނިވެސް ބައްޔަށް ފައްސިވެފައިވާކަން ސީޑީސީން ވަނީ ހާމަ ކޮށްފައެވެ. ބަލީގެ ނުރައްކާ އެންމެ ބޮޑުވަނީ ދިފާއީ ނިޒާމު ބަލިކަށި މީހުންނާއި އުމުރުން ދުވަސްވީ މީހުންނަށެވެ.
ކޮވިޑް-19ގެ އަލާމާތްތައް ކަމުގައި މީގެ ކުރިން ހާމަކޮށްފައިވަނީ
- ހުން އައުން ނުވަތަ ފިނިބޮޑުވުން
- ކެއްސުން
- ނޭވާލާން އުނދަގޫވުން
- ވަރުބަލިވުން
- ބޮލުގައި ރިއްސުން
- ރަނގަޅަށް އެއްޗެހިން ވަސް ނުދުވުން
- ކަރުގައި ރިއްސުން
މީގެތެރެއިން ޑަބްލިޔުއެޗްއޯ އިން ބުނެފައިވަނީ އެންމެ އާއްމުކޮށް ފެންނަ އަލާމާތްތަކަކީ ހުން އައުމާއި، ހިކި ކެއްސުން ކެއްސުމާއި ވަރިބަލިވުމެވެ.
