ޚާއްސަ އެހީއަށް ބޭނުންވާ ކުއްޖަކު މޫދަށް ވެއްޓި ނިޔާވެއްޖެ
އއ. މާޅޮހުގައި ޚާއްސަ އެހީއަށް ބޭނުންވާ ކުއްޖަކު މޫދަށް ވެއްޓި ނިޔާވެއްޖެއެވެ.
ފުލުހުންގެ މީޑިއާ އޮފިޝަލަކު "ދެން" އަށް މައުލޫމާތު ދެއްވަމުން ވިދާޅުވީ އއ. މާޅޮހުގައި ޚާއްސަ އެހީއަށް ބޭނުންވާ އުމުރުން 12 އަހަރުގެ އަންހެން ކުއްޖަކު ގެއްލިގެން ހޯދަމުން ދަނިކޮށް މޫދުގައި ނިޔާވެފައި އޮއްވާ ފެނިފައިވާ ކަމަށެވެ.
އެކުއްޖާ ނިޔާވެފައި އޮއްވާ ފެނިގެން ފުލުހުންނަށް ރިޕޯޓު ކޮށްފައި ވަނީ 17:50 ހާއިރު ކަމަށް ވެސް ފުލުހުން ވިދާޅުވިއެވެ.
މިހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
މާޅޮހު ކައުންސިލުގެ ރައީސް ފަޒީލް އަޙުމަދު "ދެން" އަށް މައުލޫމާތު ދެއްވަމުން ވިދާޅުވީ، ޚާއްސަ އެހީއަށް ބޭނުންވާ އެކުއްޖާ ގެއްލިގެން އޭނާގެ މައިންބަފައިން ހޯދަމުން ދަނިކޮށް މޫދުގައި އޮއްވާ އެހެން މީހަކަށް ފެނިފައިވާ ކަމަށެވެ.
إِنَّا لِلّهِ وَإِنَّـا إِلَيْهِ رَاجِعُون
