ލައިސަންސް ނަގާނެ އެކަށީގެންވާ ބިން ހަމަޖެއްސުމަކީ ސިޓީ ކައުންސިލްގެ ޒިންމާއެއް، އެކަން ކުރާނަން:މުޢިއްޒު
މާލޭ ސިޓީގައި ޑްރައިވިން ލައިސަންސް ނަގާނެ އެކަށީގެންވާ ބިން ފަހި ކޮށްދިނުމަކީ ސިޓީ ކައުންސިލުން ކުރަންޖެހޭ މުހިންމު ކަމެއް ކަމުގައި ދެކެވަޑައިގަންނަވާ ކަމަށާއި ، މަގާމަށް ހޮވި ވަޑައިގެންފިނަމަ އެކަން ކުރައްވާނެ ކަމަށް މޭޔަރު ކަމަށް ވާދަ ކުރައްވާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ކުރީގެ ހައުސިން މިނިސްޓަރ މުއިއްޒު މިހެން ވިދާޅުވީ މިރޭ ކުރެއްވި ޓްވީޓެއްގައެވެ.
ޑްރައިވިން ލައިސަންސް ނަގާނެ އެކަށީގެންވާ ބިން ފަހިކޮށްދޭނެ ކަމަށް މުއިއްޒު ވިދާޅުވިއިރު ، ލައިސަންސް ނެގޭނެ ގޮތެއް ނެތުމުން މިއަދު ޓްރާންސްޕޯޓް މިނިސްޓްރީގެ ތެރޭގައި ބަޔަކު ވަނީ މުޒާހަރާ ކޮށްފައެވެ. އެ މުޒާހަރާގެ ބައިވެރިން ގޮވާލާފައި ވަނީ އެޗްޕީއޭގެ މިންގަނޑުގެ ތެރެއިން ލައިސަންސް ނެގޭނެ ގޮތް ފަހި ކޮށްދިނުމަށާއި ލައިސަންސް ދޫކުރުން ހުއްޓާލާފައި ބާއްވާ ، ޖޫރިމަނާ ކުރަމުން ގެންދިޔުން ހުއްޓާލުމަށެވެ.
Ads by STO
