މިއަހަރު ނިމޭ އިރުގައި އިޤްތިޞާދަށް ބޮޑެތި ބަދަލުތަކެއް އަންނާނެ: ރައީސް
މިއަހަރު ނިމޭއިިރުގައި ރާއްޖޭގެ އިޤްތިޞާދަށް ބޮޑެތި ބަދަލުތަކެއް އަންނާނެ ކަމަށާއި، މިހާރުވެސް އިޤްތިޞާދަށް ބޮޑެތި ބަދަލުތަކެއް އަންނަ މަންޒަރު ފެންނަ ކަމަށް ރައީސުލް ޖުމްހޫރިޔާ އިބްރާހިމް މުޙައްމަދު ޞާލިޙު ވިދާޅުވެއްޖެއެވެ.
ރައީސް މިހެން ވިދާޅުވީ ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުންނެވެ. އެގޮތުން ކުރިން ރައީސް ވިދާޅުވި ފަދައިން ރާއްޖެއަށް ޒިޔާރަތް ކުރާ ފަތުރުވެރިންގެ އަދަދު އިތުރުވެފައިވާ ކަމަށާއި، މީގެ އިތުރުން ވެސް މިހާރު ރާއްޖޭގެ އިޤްތިޞާދަށް ރަނގަޅު ބަދަލުތަކެއް ފެންނަމުން ދާ ކަމުގައި ވެސް ރައީސް ވިދާޅުވިއެވެ.
ރައީސް އިތުރަށް ވާހަކަފުޅު ދައްއކަވަމުން ވިދާޅުވީ ރައީސް ޔާމީނުގެ ވެރިކަމަށް ފަހު އެމަނިކުފާނު ވެރިކަމަށް އައިއިރު، ގައުމުގެ އިޤްތިޞާދު ކުރިއެރުވުމަށް ބޭނުންވާ ވަރަށް ބަޖެޓު ނެތުމުން ލޯނު ނަގަން މަޖުބޫރު ވީ ކަމަށެވެ.
