އައްޑޫސިޓީގައި ވެސް މާރާމާރީއެއް ހިނގައި، 7 މީހަކަށް އަނިޔާވެއްޖެ
އައްޑޫސިޓީގައި ވެސް މާރާމާރީއެއް ހިނގައި، 7 މީހަކަށް އަނިޔާ ވެއްޖެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ އައްޑޫ ސިޓީ ފޭދޫ ކުޑަކުދިންގެ ޕާކު ސަރަޙައްދުގައި ދެ ގްރޫޕެއްގެ މެދުގައި ހިނގި މާރާމާރީއެއްގެ މައްސަލަ މިރޭ 6:30 ހާއިރު ފުލުހުންނަށް ރިޕޯޓު ކޮށްފައިވާ ކަމަށެވެ.
މި މާރާމާރީގައި 7 މީހަކަށް އަނިޔާ ވެފައިވާ ކަމަށާއި އެމީހުންގެ ތެރެއިން އެއްބައި މީހުންނަށް ފޭދޫ ސިއްޙީ މަރުކަޒުގައި ފަރުވާ ދެމުންދާއިރު، އަނެއްބައި މީހުންނަށް ހިތަދޫ ހޮސްޕިޓަލުގައި ފަރުވާ ދެމުންދާ ކަމަށެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
އައްޑޫ ސިޓީގައި މިއަދު މާރާމާރީއެއް ހިނގާފައިވާއިރު، މިއަދު 17:55 ހާއިރު މާލޭ ލޮނުޒިޔާރަތް މަގުގައި ވެސް ވަނީ މާރާމާރީއެއް ހިނގާފައެވެ. ނަމަވެސް އެސަރަޙައްދަށް ފުލުހުން ދިޔައިރު، މާރާމާރީ ހިންގި މީހުން އެސަރަޙައްދުން ގޮސްފައިވާ ކަމަށް ފުލުހުން މައުލޫމާތު ދެއެވެ.
