ދުވަސް ނުފުރާ އައިޖީއެމްއެޗްގައި ވިހެއި ތުއްތު ކުއްޖަކު ޓްރޭ އަކަށްލާފައި، ނިޔާވަންދެން މައިމީހާއާ ދުރުގައި ބޭއްވިކަމުގެ ތުހުމަތުތަކެއް
ދުވަސް ނުފުރާ ވިހެއި ތުއްތު ކުއްޖަކު، އައިޖީއެމްއެޗް ގައި ޓްރޭ އަކަށް ލާފައި، އެކުއްޖާ ނިޔާވީއިރު ވެސް މައިމީހާއާ ދުރުގައި ބޭއްވި ކަމަށް ބުނެ އާއިލާއަކުން އެހޮސްޕިޓަލާމެދު ބޮޑެތި ތުހުމަތުތަކެއް ކޮށްފިއެވެ.
މީސްމީޑިއާގައި ހިއްސާ ކޮށްފައިވާ ޕޯސްޓެއްގައި ބުނެފައި ވަނީ ބަނޑަށް ފަސް މަހުގެ އަންހެނަކު، ބަނޑުގައި ރިއްސާތީ އެހޮސްޕިޓަލުގައި ދެ ދުވަސް ވެންދެން އެޑްމިޓު ކޮށްފައި ބޭއްވި ކަމަށެވެ.
އެޕޯސްޓުގައި ބުނެފައި ވަނީ، ބަނޑުގައި ރިއްސާވަރުން ކެތް ނުކުރެވިގެން އުޅުނުއިރު ޑޮކްޓަރުންނާއި ނަރުހުން ވެސް އަޅާނުލި ކަމަށެވެ. އަދި އެ އަންހެންމީހާއަށް ބޮޑުކަމު ނުދެވޭތާ 3 ދުވަސް ވެފައިވާތީ އެވޭނުގައި ވެސް ހުރެ، ފާޚާނާ ދިޔައިރު އެއްޗެއް ފައިބާތީ އެތަނަށް ބޭރު ދެ މީހަކު ދިޔަ ކަމަށެވެ. އަންހެން މީހާ ވިހެއީ އެ ދެ މީހުންގެ އަތް މައްޗަށް ކަމަށް ވެސް ޕޯސްޓްގައި ބުނެފައި ވެއެވެ.
"އެހުރި ގޮތަށް ފޫޅުގައި ދަތި ވެސް ނުޖަހާ ފޫޅު ކަނޑައިގެން ގެންގޮސް ބޭއްވީ ނެޕީ ބަދަލު ކުރުވަން ކުދިން ބާއްވާ ތަނެއްގައި. އެއިރު ބޭބީގެ ހުރިހާ ކަމެއް ވެސް ބަރާބަރު" މައުލޫމާތު ދީފައިވާ މީހަކު ކިޔައިދީފައި ވެއެވެ.
ދެން އެކުއްޖާގެ މަންމަ ގެންގޮސް މަސް ވިއްސާފަ ވޯޑަށް ބަދަލުކުރި ކަމަށާއި އޭރުވެސް އެކުއްޖާ އޮތީ ކުރިން ބާއްވާފައި އޮތް ޓްރޭގައި ކަމަށާއި އަދި އެކުއްޖާ ސާފު ވެސް ކޮށްނުލާ ކަމަށް ވެސް ބުނެފައި ވެއެވެ.
އާއިލާއިން އެދުމުން ވެސް އެނޫން ގޮތެއް ނުހެދި ކަމަށާއި ހޮސްޕިޓަލުގެ މެނޭޖްމަންޓާއި ވާހަކަ ދެއްކުމުން އެތަނުން ނަގާފައި، ހުދުފޮތި އަޅާފައި ތުއްތު ކުދިން ލާ ހޮސްޕިޓަލު އެނދުގައި ބޭއްވި ކަމަށް ވެސް އޭނާ ބުނެފައި ވެއެވެ.
"އެގޮތަށް ބޭއްވުމުން ބޭބީއަށް ފިނިވާނެ ނޫންހޭ އާއިލާއިން ބުނުމުން ވެސް އެތަނުގައި ތިބި މީހުން ބުނީ އެގޮތަށް ވިހާ ކުދިން ބާއްވަން ޖެހޭނީ އެގޮތަށް ކަމަށް. އިތުރު ފަރުވާއެއް ވެސް ދެވެން ނެތް ގޮތަށް ބާއްވާ، ބޭބީ ނިޔާ ވަންދެން ވެސް އެގޮތަށް ބޭއްވީ" އެމީހާ ކިޔައިދީފައި ވެއެވެ.
މީގެއިތުރުން އެމީހާ ބުނީ ތުއްތު ކުއްޖާގެ ވިންދު ލަސްވާ ކަމާއި ނޭވާލުން ދަށްވާކަން ވެސް އެނގިހުރެ އައިޖީއެމްއެޗް ގައި ތިބި މީހުން އަޅާނުލި ކަމަށެވެ. އަދި އެކުއްޖާ ނިޔާވީ އެކުއްޖާއަށް ލިބެން ޖެހޭ ފަރުވާ ނުލިބި އެންމެ ކުޑަމިނުން ގައިގެ ހޫނުކަން ވެސް ނުލިބި ކަމަށް ބުނެފައި ވެއެވެ.
"އެކުއްޖާގެ މަންމަގެ އެއްބަނޑު ބޭބެއަކު އައިސް އެދުނީ ބޭބީ އެއަށްވުރެ ރައްކާތެރިކޮށް ބޭއްވުމަށް، އެކަމަކު އެތަނުގައި ތިބި ނަރުހުން ބުނީ އެކުއްޖާ ވިހޭއިރު އެކަމާ އުޅުނު މީހުންނޭ އެކަމާ ގޮތެއް ނިންމާނީ. މިއީ ތޯ އިންސާނިއްޔަތު ކަމަކީ؟ ގަސްތުގައި ފަރުވާ ނުކޮށް އާއިލާ ކުރިމަތީ ކުއްޖާ ނިޔާވެގެން ދިޔައީ އެބުނާ ވިހޭއިރު ތިބި ދެމީހުންނަށް ގޮތް ނުނިންމި. ދިރިހުއްޓާ އުރާލަން ނުދީ، ނިޔާވުމުން އެހީ އުރާލަން ބޭނުންތޯ ވެސް."
"ބޮޑީ ވާމަރ އަށް ނުލިތާ މައިމީހާގެ ގައިގަ ޖައްސާލަން ވެސް ފުރުސަތު ނުދީ އެދަރި އެހާ ނިކަމެތި ހާލުގައި ދުނިޔެ ދޫކުރީ އާއިލާ އެންމެންގެ ކުރިމަތީ"
މީގެ އިތުރުން އެޕޯސްޓުގައި ބުނެފައި ވަނީ މިމައްސަލަ ހިފައިގެން ދިޔުމުން ފުލުހުންނާއި، ވަކީލުންނާ، ތަންތަނުގެ ވެރިންނާއި އަދި މިނިސްޓަރުންގެ ވެސް އެއްވެސް އެދެވިގެންވާ އެއްބާރުލުމެއް ދެއްވާފައި ނެތް ކަމަށެވެ.
މިޕޯސްޓާ ގުޅިގެން އައިޖީއެމްއެޗް ގެ ފަރާތުން އަދި ރަސްމީ ބަހެއް ލިބިފައެއް ނުވެއެވެ. ނަމަވެސް ނަން ހާމަ ނުކުރުމަށް އެދި "ދެން" އަށް މައުލޫމާތު ދިން ފަރާތަކުން ބުނެފައި ވަނީ، އެ ޕޯސްޓުގައި ވަނީ ހަގީގަތެއް ނޫން ކަމަށެވެ.
އެގޮތުން އެމީހާ ބުނީ ކުއްޖާ ވިހެއީ ނޫން ކަމަށާއި ބަނޑަށް 20 ހަފްތާގައި ބައިގެން ދިޔައީ ކަމަށެވެ. އަދި އެކަން އާއިލާއަށް އެންގި ކަމަށް ވެސް އެމީހާ ބުންޏެވެ.
މީގެ އިތުރުން މީސް މީޑިއާގައި ފޮޓޯ ޖަހާފައި ކުޑަކުދިންގެ ޑޮކްޓަރެއް ކަމަށް ޖަހާފައި ވާ މީހަކީ ވެސް އަންހެނުންގެ ޚާއްސަ ޑޮކްޓަރެއް ކަމަށް ބުނެފައި ވެއެވެ.
ތިތާގަ މަސަަަައްކަތްކުރާ ގިނަ ޑޮކްޓަރުން ނާ ނަރުހުންނަކީ ވަރަށް ބޮޑާ ކިބުރުވެރި ބައެއް ދިވެހި ގިނަ ނަރުހުން ނަކީ އެ މީހުންގެ ހިޔަނި ފެނިފަ ތިބޭ ބަޔެއް
ނަރުހުންގެ އެކުރާ މަސައްކަތް އިހުސާސް ވާނީ ގޮތެއްނެތި ބަލި އެނދުގައި އޮޮންނަން ޖެހުމުން.. ދުއާ އަކީ އެފަދަ ދެރަ ނިކަމެތި ކަމެއް ތިބޭފުޅާއަށް އަދި އެއްވެސް މީހަކަށް ނުޖެއްސެވުން..
މިހާރު އެހެން ވީމަ އެ އާއިލާޔައް ނަރުހުން ކުރާ މަސައްކަތް އެނގިފަ ދޯ އޮންނާނީ .
އަސަރުކުރި ވާހަކައެއް. ދަންނަވަން އޮތީ އާއިލީ ލަގޮނޑިއަށް ކެތެއް ނުވާނެ މަންޒަރުބަލަން އެހެންނަމަވެސް ހަގީގަތަކީ މި މަރްހަލާގަ އޮންނަ ޕްރޮސީޖަރ އެމީހުން ފޮލޯކުރީ. 24 ހަފްތާ އަކީ ކިރިޔަކިރިޔާވެސް އެންމެފަހުގެ މެޝިންތަކުގެ އެހީގަވެސް ފަރުވާއެއްދެވޭނެ އުމުރު. 20 ހަފްތާވީމަ ދުނިޔެއަށް ނޭވާލާނީ މަދު ހިނދުކޮޅަކަށް. ޢާއިލާ ޖަޒްބާތުގަ ވާހަކަދެއްކުމަކުން މައްސަލައެއްނޫން ނަމަވެސް ނޫސްކިޔާފަ ކޮމެންޓްކުރަންތިބޭނީ ކޮންމެވެސް ވަރަކަށް ރޯފިލާފަ ތިބި މީހުންތާ. ކޮންމެ ކަމެއް އެޅިއަތަކަށް މަރު ބަރޭންޑް ދޫކޮށްލާފަ ވިސްނުންވެސް އިސްކުރައްވަން ޖެހިލައްވާނެ.
ެތިކަން ތިހެން އޮތްނަަމަވެސް އެކުއަޖާއަށް އެ ނޫން ގޮތެއް ހެދޭނެ. މާތް ﷲ ހެއްދެވި ފުރާނައެއް އެއީވެސް. އެކުއްޖާފުޅުގެ ފަހުވަގުތުކޮޅު އެކުއްޖާގެ މަންމަ ކައިރީގަވުން މަންމަ ވެސް ބޭނުންވާނެ. އިހާނެތިކޮން އެއްލާލުމަށް ވުރެ. ތިބޭފުޅާ އަށް އެކަން އެގޮތަށް ވި ނަަމަ މި ހަބަރަށް ވުރެ ހުތުރުކޮން ހަބަރު ލިޔުނީސްކަން ޔަގީން. މީގަ މައްސަލައަކީ ޕްރޮސީޖަރ ފަލޯރ ކުރުމެއް ނޫން ކުރިގޮތް… ސޯ ޔޫ ކީޕް ޔުޔަރ މައުތް ޝަޓް….
ޢަސްލުވެސް. ޢެއްވެސް ނޫހަކުނަް ވެސް ނޫޅޭނެ ރައްޠިތުނަނަށް މަޢުލޫމާތު ދޭކަށް. ދެން މީހުން ނޭގޭ ހާލުގަ ކޮންމެވެސް ބަޔަކު ކުއްވެރި ކުރެވޭތޯ ބަލަނީ.
ވަކީލުން ޖެހީމަ ހުރިހާ ވަކީލުން ވަނީ ކުށްވެރިންނަށް.. މަގޭ މިއީ ވަކީލެއް ނަމަވެސް މިކަމާ ނާދޭ މަގޭ ކައިރިއަށް.. މިފަދަ ކަމެއްް ހިނގިކަން މިއެނގުނީ މިޚަބަރު ކިޔައިގެން އެހެންވީމަ އާއިލާ ވިޔަސް ނޫސް ލިޔުނު ފަރާތް ވިޔަސް މި އިސްލާޙްކުރައްވާ.. ވަރަށް ދެރަ ކަމެއް މިއީ .. އެންމެ ވަކީލެެއް ދެވަކީލެއްގެ ސަބަބުން ވަކީލުންގެ އާއިލާ އެކުގައި ކުށްވެރިކޮށް މިފަދަ އާޓިކަލް ލިޔުން..
ތީ ވަކީލެއް ވީމަ؟؟؟؟ ނަރުހުންނަށް ނޯވެދޯ ތިގޮތެއް؟
ޥަކލުން ދެން އެހެން ނަހަދަން ވީނު. ޢެންމެ ވަކީލަކަސް އެހެން ހެދީމަ އެހެން އެޔޮތީ. ޢެމީހުންނަކަސް ދުނިޔޭގަ ލެއްވިހާ ވަކީލުން ކައިރިޔަކަށް ނުދެވޭނެ. ތިމާނަމަވެސް އެކަން ވާނީ އެހެން. ޢަދި ބުނެފިޔެއްނު މަގޭކައިރިޔަކަށް ނާދެއޭ. ޙުންނަ ބޮޑާކަން.. ޕިސް
ޢެތަނަކަށް ނުވަދެވޭއިރު ހާދަ ހިނަމީހުންނަށް ވަދެވިފަ ލޭބަރ ރޫމަށް
ތިގޮތަށް ކިތަންމެ ކުދިންނެއް މަރާފަ ހުންނާނެ. ސީދާ އަހަރެންވެސް ރައްޓެއްސެއްގެ ދަރިއަކު ވިހޭތަނުން ޕުއްޕު ބޮއިފަޔޭ ކިޔާ އެއްވެސް އެއްޗެއް ނުދީ މައިމީހާ ދުރުގާ ބޭއްވިތާ 7 ގަޑިއިރުވަނިކޮއް އެނގިގެން ހަޅޭ ފަޅޭ ޖަހާ ހޫނުކޮއްލުމުން އެނގުނީ ވިހެއި ގޮތައް އެއްވެސް ނުދީ ބޭއްވިގޮތަށް ޑިއުޓީ ބަދަލުވެފައިވާކަމާއި އެއްވެސްއެއްޗެއް ނުދޭކަން. އަދިވެސް ޑޮކްޓަރ ނެތީމާއޭ ކިޔާފަ އިތުރަށް ބާއްވަން އުޅުމުން އަރާގަންނަ ހިސާބަށްދިއުމުން ވަގުތުން މައިމީހާ ކައިރިއަށް ގެންގޮސް ބުއްދިނީ..އެމައްސަލަ ނުޖެއްސީ އެއާއިލާއިން އަޅާ ނުލާން އެދުމުން.
ތިކަހަލަ ޖާހިލުންނާހެދި ގައުމުހަލާކުވަނީ
ދެން ތިިި ބޮޑު ވަރު
13 ވީކުގާވެެސް ނަގާ ކުދިން އެބަހުރި ދުނިޔޭގަ
ތީ ކަނޑައެޅިގެން ދޮގެއް!!
ކަނޑައެޅިގެން ދޮގެއް