އަންހެނުންގެ ކިބައިން އަނދުން ހުސެއިން މާފަށް އެދިއްޖެ

ރައްޔިތުންގެ މަޖިލީހުގެ ޖަލްސާގައި ޕެޑާ ގުޅުވައިގެން ދެއްކެވި ވާހަކައަށް ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސޭން) މާފަށް އެދިއްޖެއެވެ. ރައްޔިތުން މަޖިލީހުގެ މަޑުއްވަރީ ދާއިރާގެ މެމްބަރު އަދި އިދިކޮޅު ޕީއެންސީގެ ޕާލިމެންޓްރީ ގްރޫޕްގެ ލީޑަރު، އާދަމް ޝަރީފް އުމަރު މަޖިލީހަށް ވަޑައިގަންނަވަނީ ޕެޑް ޖައްސަވައިގެން ކަމަށް ވިދާޅުވެ، އަނދުން ހުސެއިން މަޖިލީހުގައި ދެއްކެވި ވާހަކައަށް ގިނަ ބަޔަކު ވަނީ ފާޑުކިޔާފައެވެ. އަނދުން ހުސެއިން މިއަދު ކުރެއްވި ޓްވީޓެއްގައި ވަނީ އޭނާ ދެއްކެވި ވާހަކަތަކަށް މާފަށް އެދިވަޑައިގެންފައެވެ. "ބަލައި ނުގަނެވޭނެ ފަދަ ވާހަކައެއްކަން ގަބޫލުކުރަން. އަޅުގަނޑު މިފަދަ ބަސްތަކަށް ސަމާލު އިތުރަށް ވާނަން،" އޭނާ ވިދާޅު ވިއެވެ. https://twitter.com/AndhunHussain/status/1372045385208786945?ref_src=twsrc%5Etfw%7Ctwcamp%5Etweetembed%7Ctwterm%5E1372045385208786945%7Ctwgr%5E%7Ctwcon%5Es1_c10&ref_url=https%3A%2F%2Fsun.mv%2F150171