ކޮވިޑް ދިފާޢު: ދެ ވައްތަރު ދެ ޑޯޒެއް ނުޖެހޭނެ

ކޮވިޑް-19 އިން ރައްކާތެރިވުމަށް ޖަހާ ވެކްސިންގެ، ދެ ވައްތަރުގެ ދެ ޑޯޒެއް ނުޖެހޭނެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.

Ads by STELCO

އެޗްޕީއޭ އިން މިއަދު ކުރި ޓްވީޓެއްގައި ވިދާޅުވީ، ސިނޮފާމް ވެކްސިންގެ ފުރަތަމަ ޑޯޒް މިއަދު ދޭން ފަށާފައިވާ ކަމަށާއި މިއީ ކުރިން ފުރަތަމަ ޑޯޒް ނުޖަހާ ތިބި ފަރާތްތަކަށް ހުޅުވާލި ފުރުސަތެއް ކަމަށެވެ.

ކޮވިޑް-19 އިން ދިފާޢުވުމަށް ވެކްސިން ޖަހަންވާނީ އެއް ވައްތަރެއްގެ ދެ ޑޯޒް ކަމަށް ވެސް އެޗްޕީއޭއިން ބުނެފައި ވެއެވެ.

*️⃣ Today, we began administering the FIRST DOSE of the Sinopharm vaccine to those who had previously been unable to receive their first vaccine dose.

Both the first and second doses of the vaccine must be of the same type. pic.twitter.com/YX1T2GlTH0

— Health Protection Agency (@HPA_MV) March 22, 2021

ރާއްޖޭގައި މީގެ ކުރިން ޖަހަން ފެށީ އިންޑިއާގެ ސެރަމް އިންސްޓިޓިއުޓުން ހަދިޔާކުރި އަސްޓްރާ ޒެނެކާ "ކޮވިޝީލްޑް" ވެކްސިނެވެ. އެވެކްސިންގެ ދެވަނަ ޑޯޒް އެންމެ އަވަހަށް ވެސް ދިނުމަށް ހަމަޖެހިފައި ވަނީ އަންނަ މަހު 1 ގައި ކަމަށް ވެސް އެޗްޕީއޭއިން ބުނެފައިވެއެވެ.

ސިނޮފާމް ވެކްސިން ގެ ފުރަތަމަ ޑޯޒް މިއަދު ދޭން ފަށާފައިވާއިރު، މި ވެކްސިން ޖެހެނީ އުމުރުން 60-18 އަހަރުގެ މީހުންނަށެވެ. އަދި މި ވެކްސިންގެ ދެވަނަ ޑޯޒް ޖަހަން ފަށަނީ، ފުރަތަމަ ޑޯޒް ޖަހާތާ 4-3 ހަފްތާ ފަހުން ކަމަށް ވެސް ބުނެފައިވެއެވެ.