ދުނިޔޭގެ ކާމިޔާބީ ހޯދަން ބޭނުން ގޮތަކަށް އުޅެވިދާނެ ، ޙަޤީޤީ ކާމިޔާބީއަކީ އެމީހެއްގެ ނިމުން ރިވެތިވެގެންވުން: ޒިޕްސް
ދުނިޔޭގެ ކާމިޔާބީ ހޯދަން ބޭނުން ގޮތަކަށް އުޅެވިދާނެ ކަމަށާއި ނަމަވެސް ޙަޤީޤީ ކާމިޔާބީއަކީ އެމީހެއްގެ ނިމުން ނުވަތަ މަރު ރިވެތި ވެގެންވުން ކަމަށް ކުރީގެ މަޝްހޫރު ލަވަކިޔުންތެރިޔާ ސުޢާދު ޢަބުދުއްރަޙީމް (ޒިޕްސް)ބުނެފިއެވެ.
"އިއްޔެ މަރުވި މީހުންވެސް މިއަދަށްޓަކައި އުއްމީދުތަކެއް ކުރިއެވެ." މި ސުރުހީގައި ''ދެން''އިން ގެނެސްދިން ލިޔުމެއް ފޭސްބުކްގައި ޝެއަރކުރަމުން ސުޢާދު ބުނީ ކޮންމެ މީހަކަށް ވެސް ދިރިއުޅުމުގައި ތަފާތު ކަންކަން ދިމާވާނެ ކަމަށާއި ، އެކަންކަމުން އިބްރަތް ޙާޞިލްކޮށް ހެޔޮމަގަށް ރުޖޫޢަވެވުން އެއީ މިހާތަނަށް އޭނާއަށް ލިބުނު އެންމެ ބޮޑު ކާމިޔާބީ ކަމަށެވެ.
''ދުނިޔޭގެ ކާމިޔާބު ހޯދުމަށް ބޭނުން ގޮތަކަށް އުޅެވިދާނެ ، ޙަޤީޤީ ކާމިޔާބީއަކީ އެމީހެއްގެ ނިމުން ނުވަތަ މަރު ރިވެތި ވެގެންވުން ، ނުވަތަ އެމަގަށް އުޅުމުގެ ހެޔޮ ނަސީބު ލިބުން
ދިރިއުޅުމުގައި ތަފާތު ގިނަކަންކަމާއި ކޮންމެ މީހަކަށް ވެސް ދިމާވާނެ ،ބުއްދިވެރި ގޮތަކީ އެކަންކަމުން އިބްރަތް ޙާޞިލްކޮށް ހެޔޮމަގަށް ރުޖޫޢަވުން ، މިހާތަނަށް ލިބުނު އެންމެ ބޮޑު ކާމިޔާބީ އަކީ ވެސް އެއީ ، އެކަން މިންވަރުކޮށްދެއްވި ﷲ ތަޢާލާއަށް ޙަމްދާއި ޝުކުރުކުރަން " ސުޢާދު ބުނެފައިވެއެވެ.
ދުނިޔޭގެ ކާމިޔާބު ހޯދުމަށް ބޭނުން ގޮތަކަށް އުޅެވިދާނެ ، ޙަޤީޤީ ކާމިޔާބީއަކީ އެމީހެއްގެ ނިމުން ނުވަތަ މަރު ރިވެތި...
Posted by Suaad Abdul Raheem on Tuesday, July 21, 2020
ސުޢާދު ބުނެފައިވަނީ ފުރުސަތުތަކަކީ ގިނަގިނައިން ލިބޭނެ އެއްޗެއް ނޫންކަމަށާއި ވަގުތު ފާއިތުވުމުގެ ކުރިން އަމާން މަގު ހޯދުމަށް ނަސޭހަތްތެރިވާ ކަމަށެވެ.
ސުޢާދަކީ ރާއްޖޭގެ އެންމެ މަޝްހޫރު ދެ ރެޕްބޭންޑް ކަމަށްވާ ސިމްބޮލިކް ރެކޯޑްސްއާއި ބީޓޮލޮޖީގައި ވެސް މަސައްކަތް ކުރި މީހެކެވެ. ނަމަވެސް މިޔުޒިކް ކުޅުމުން ލިބޭ ހިތްހަމަޖެހުމެއް އުފަލެއް ނެތްކަމަށްވާތީ އޭނާ ވަނީ މިޔުޒިކާއި އެއްކޮށް ދުރުވެފައެވެ.
