އާދަޔާ ޚިލާފަށް ވައި ޖެހޭނެ ކަމަށް ބުނެ ދައުރު ވަނީ ސައްޙަ މައުލޫމާތެއް ނޫން: މެޓް
މި މަހުގެ 29 ވާ ހޯމަ ދުވަހު ގަޑިއަކު 91 ކިލޯމީޓަރުގެ ބާރު މިނުގައި ވައި ޖެހޭނެ ކަމަށް ބުނެ ދައުރުވަމުން ދަނީ ސައްހަ މައުލޫމާތެއް ނޫން ކަމަށް މޫސުމާބެހޭ ޤައުމީ އިދާރާ (މެޓް އޮފީހުން) ބުނެފިއެވެ.
އޮންލައިން ނޫހަކަށް މައުލޫމާތު ދެއްވަމުން މެޓް އޮފީހުގެ އެސިސްޓެންޓް މީޓިއޮރޮލޮޖިސްޓް ތަހުމީނާ އަބްދުލް ކަރީމް ވިދާޅުވީ މިދުވަސްވަރު ވިއްސާރް ކުރަނީ މިސަރަޙައްދުގައި އުފެދިފައިވާ ސާކިއުލޭޝަނަކާ ހެދި ކަމަށެވެ.
ތަހުމީނާ ވިދާޅުވީ އޮސްޓްރޭލިއާގެ ކޮކޯ އައިލެންޑްސްގެ ހުޅަނގު-ހުޅަނގު އުތުރާއި ޑިއޭގޯ ގާސިއާގެ ހުޅަނގު-ހުޅަނގު ދެކުނުން ގާތްގަނޑަކަށް 470 ނޯޓިކަލް މޭލު ދުރުގައި ދެ ކޮޅިގަނޑެއް އުފެދިފައިވާ ކަމަށާއި އެކަމަކު އެ ދެ ކޮޅިގަނޑު ވެސް ދަތުރު ކުރަމުން ދަނީ ރާއްޖެއާ ދުރަށް ކަމަށް ވާތީ އޭގެ އަސަރު ރާއްޖެއަށް ނުކުރާނެ ކަމަށެވެ.
މި ވިއްސާރައިގައި އާންމުކޮށް ވައި ޖެހޭނެ ކަމަށް ލަފާ ކުރަނީ ގަޑިއަކު 5-15 މޭލުގެ ބާރުމިނުގައެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވުން އެކަށީގެންވާ ކަމަށް ވެސް މެޓް އޮފީހުން ބުނެއެވެ.
ސައްހަ މައުލޫމާތެއް ނޫންކަން އެނގިއްޖެނު. ދޮގު ނަހަދާނީ ކޮން ކަމެއްގަ ދެން މިމީހުން.