ޓޫރިޒަމް ދާއިރާގައި މަސައްކަތްކުރާ 14000 އަށްވުރެ ގިނަ މުވައްޒަފުންނަށް ވެކްސިން ދީފި
ޓޫރިޒަމް ދާއިރާގައި މަސައްކަތްކުރާ 14000 އަށްވުރެ ގިނަ މުވައްޒަފުން ކޮވިޑް-19 ގެ ފުރަތަމަ ޑޯޒް ޖަަހައިފިއެވެ.
ޓޫރިޒަމް މިނިސްޓްރީން ވިދާޅުވީ، ޓޫރިޒަމް ދާއިރާގައި މަސައްކަތްކުރާ 14898 މުވައްޒަފުންނަށް މިހާތަނަށް ކޮވިޑް-19 އިން ރައްކާތެރިވުމުގެ ވެކްސިންގެ ފުރަތަމަ ޑޯޒް ދީފައިވާ ކަމަށާއި އޭގެ ތެރެއިން އެންމެ ގިނައިން ވެކްސިން ޖަހާފައިވަނީ ރިސޯޓްތަކުގައި ޕްރަންޓްލައިންގައި މަސައްކަތްކުރާ މުވައްޒަފުން ކަމަށެވެ.
އެގޮތުން ރިސޯޓްތަކުގައި މަސައްކަތްކުރާ 14147 މުވައްޒަފަކު މިހާތަނަށް ވަނީ ވެކްސިން ޖަހާފައިވާއިރު، ގެސްޓްހައުސްތަކުގެ 306 މުވައްޒަފަކަށް، ސަފާރީތަކުން 220 މުވައްޒަފަކަށް، އަދި ހޮޓެލްތަކުން 70 މުވައްޒަފަކު ވަނީ ވެކްސިން ޖަހާފައެވެ. މީގެއިތުރުން 64 މިއުޒީޝަނުންނަށް، 24 ޓްރެވެލް އެޖެންޓުންނަށް އަދި ޓޫރިޒަމް މިނިސްޓްރީގެ ފްރަންޓްލައިންގައި މަސައްކަތްކުރާ 67 މުވައްޒަފަކަށް މިހާތަނަށް ވެކްސިން ޖަހާފައިވާކަމަށް ވެސް ޓޫރިޒަމް މިނިސްޓްރީން ވިދާޅުވެއެވެ.
ކޮވިޑް-19 އިން ރައްކާތެރިވުމަށް ރާއްޖޭގައި ވެކްސިން ޖަހަން ފަށާފައިވަނީ މިދިޔަ ފެބްރުއަރީ މަހުގެ 1ވަނަ ދުވަހުގައެވެ. އަދި ޓޫރިޒަމް ދާއިރާގައި މަސައްކަތް ކުރާ މުވައްޒަފުންނަށް ވެކްސިން ދޭން ފެށީ އެމަހުގެ 4ވަނަ ދުވަހުގައެވެ.
Ads by STO
