30 އަހަރުގެ ދިވެހި ޑޮކްޓަރެއް ކައިވެނި ކުރާނެ އަންހެނަކު ހޯދަނީ!

30 އަހަރުގެ ދިވެހި ޑޮކްޓަރެއް ކައިވެނި ކުރާނެ އަންހެނަކު ހޯދަން އިއުލާން ކޮށްފިއެވެ.

ފޭސްބުކު ޕޭޖެއް ކަމަށްވާ ކައިވެނި އެމްވީ ގައި ހިއްސާ ކޮށްފައިވާ މި ޕޯސްޓުގައި ވާގޮތުން، އުމުރުން 30 އަހަރުގެ މި ޑޮކްޓަރު ކައިވެނި ކުރަން ބޭނުންވަނީ އުމުރުން 29 އަހަރު ނުވަތަ އެއަށް ވުރެ ހަގު އަންހެނަކާއެވެ.

މީގެ އިތުރުން އޭނާ ދިރިއުޅެނީ މާލޭގައި ކަމަށާއި، ޢާމްދަނީއެއްގެ ގޮތުގައި މަހަކު އެވަރެޖުކޮށް 50،000 ރުފިޔާ ލިބޭ ކަމަށް އެ ޕޯސްޓުގައި ބުނެފައިވެއެވެ. އަދި އޭނާ އަކީ މީގެ ކުރިން މީހަކާ އިނދެފައިވާ މީހަކަށް ނުވާއިރު، އޭނާއަކީ ތެލެސީމިއާ ކެރިއަރެއް ވެސް ނޫން ކަމަށް އެ ޕޯސްޓުގައި ބުނެފައިވެއެވެ.

އޭނާއާ ކައިވެނި ކުރަން ބޭނުންވާ އަންހެނެއް ނަމަ އެމީހަކީ ރަނގަޅު ދިރިއުޅުމެއް ބޭނުންވާ، ހިތްހެޔޮ، ހަރުދަނާ އަދި ވަފާތެރި ކަނބަލަކަށް ވާން ޖެހޭނެ ކަމުގައި ވެސް ކައިވެނި އެމްވީ ޕޭޖުން ހިއްސާ ކޮށްފައިވާ ޕޯސްޓުގައި ބުނެފައިވެއެވެ.

މިކަމަށް ޝައުގުވެރި ވެލައްވާ ކަނބަލެއް ވާނަމަ ފޭސްބުކު ޕޯސްޓު ނަމްބަރު (3676) ޖެހުމަށް ފަހު އެމީހެއްގެ މައުލޫމާތު، ކައިވެނި އެމްވީ ޕޭޖަށް މެސެޖު ކުރުމަށް އެޕޭޖުން ވަނީ އެދިފައެވެ.