އެމްއެންޔޫ ގޮވައިގެން ޑރ. އިޔާޟް ޓްރައިބިއުނަލަށް: ފުރަތަމަ އަޑުއެހުން ކެންސަލް
މީސްމީޑިއާގައި ކުރެއްވި ޕޯސްޓަކާ ގުޅިގެން ރާއްޖޭގެ މަޝްހޫރު ދީނީ ޢިލްމުވެރިޔާ ޑރ. މުޙައްމަދު އިޔާޟް ޢަބްދުއްލަތީފު ޤައުމީ ޔުނިވާސިޓީ (އެމްއެންޔޫ)އިން ސަސްޕެންޑު ކުރެއްވި މައްސަލައިގައި ވަޒީފާއާ ޓްރައިބިއުނަލްއަށް މައްސަލަ ހުށަހަޅުއްވައިފިއެވެ.
އެމްއެންޔޫގެ އެސިސްޓެންޓް ޕްރޮފެސަރުގެ މަގާމުން ޑރ. އިޔާޟް ސަސްޕެންޑު ކުރެއްވީ މިދިޔަ މާރިޗް މަހުގެ 5ވަނަ ދުވަހުން ފެށިގެން 14 ދުވަހުގެ މުއްދަތަކަށެވެ.
ސަސްޕެންޑު ކުރެއްވި މައްސަލަ ޓްރައިބިއުނަލަށް ހުށަހަޅުއްވައިފައި ވާކަން ޑރ. އިޔާޟް ވަނީ "ދެން" އަށް ކަށަވަރު ކޮށްދެއްވައިފައެވެ.
ޑރ. އިޔާޟް "ދެން" އަށް މައުލޫމާތު ދެއްވި ގޮތުގައި މި މައްސަލަ ޓްރައިބިއުނަލްއަށް ހުށަހެޅުއްވީ މިދިޔަ މަހުގެ 28ވަނަ ދުވަހުގައެވެ. އަދި މި މައްސަލައިގެ ފުރަތަމަ އަޑުއެހުން އިއްޔެއަށް ތާވަލު ކުރި ނަމަވެސް ފަހުން އެ އަޑުއެހުން ވަނީ ކެންސަލް ކޮށްލައިފައެވެ.
އިއްޔެގެ އަޑުއެހުން ކެންސަލް ކޮށްލައިފައިވާއިރު، އެ އަޑުއެހުން ދެން ބާއްވާނެ ދުވަހެއް އަންގައިފައި ނުވާކަން ޑރ. އިޔާޟް ފާހަގަ ކުރެއްވިއެވެ.
ޑރ. އިޔާޟް ސަސްޕެންޑް ކުރެއްވީ ކޮވިޑް-19 ގެ ހާލަތު ގޯސްވެފައިވާތީ މިސްކިތްތަކުގައި ގައިދުރުކަމާއެކު ޖަމާއަތް ހަދަން އެންގި ދުވަސްވަރުއެވެ. ގައިދުރުކޮށް ނަމާދުކުރުމަކީ ދީނުގައި އެކަން އޮންނަ ގޮތް ނޫންް ކަަމަށް ޑރ. އިޔާޟް ހިމެނޭ ގޮތަށް ބައެއް އިލްމުވެރިން ވަނީ ވިދާޅުވެ ކަންބޮޑުވުން ފާޅު ކުރައްވައިފައެވެ.
Ads by STO
