މާސްކް ދޮންނަންވީ ޕެޓްރޯލް ބޭނުންކޮށްގެން ކަމަށް ވިދާޅުވީ ސަމާސާއަކަށް ނޫން: ފިލިޕިންސް ރައީސް
ކޮވިޑް19 އިން ރައްކާތެރިވުމަށް އަޅާ، މާސްކް ދޮންނަންވީ ޕެޓްރޯލް ބޭނުންކޮށްގެން ކަމަށް ފިލިޕީންސްގެ ރައީސް ރޮޑްރިގޯ ޑުޓާޓޭ ވިދާޅުވި ވާޙަކަ ތަކުރާރު ކުރައްވައިފިއެވެ. އަދި ޑުޓޭޓޯ ވަނީ އެހެން ވިދާޅުވީ ސަމާސާ އަކަށް ވެސް ނޫން ކަމަށް ވިދާޅުވެފައެވެ.
ނިމިދިޔަ ހަފްތާގައި ޑުޓާޓޭ ވަނީ އެފަދައިން ވާހަކަފުޅު ދެއްކެވުމުން ގިނަ ބައެއްގެ ފާޑުކިއުންތައް އަމާޒުވާން ފެށުމާއެކު، އެ މަނިކުފާނުގެ އޮފިޝަލުން ވަނީ އެއީ ރައީސް ޑުޓާޓޭ ސަމާސާއަކަށް ވިދާޅުވި އެއްޗެއްކަމަށް ވިދާޅުވެފައެވެ.
ރިޕޯޓުތައް ބުނާ ގޮތުގައި ހުކުރު ދުވަހު ދެއްކެވި ވާޙަކަފުޅެއްގައި ޑުޓޭޓޯ ވަނީ އެ ވާހަކަ ތަކުރާރު ކުރައްވާފައެވެ. އެގޮތުން މާސްކު ސާފު ކުރުމަށް "އަލްކަހޯލް" ބޭނުންކުރެވިދާނެ ކަމަށާއި، އަލްކަހޯލް ގަންނާނެ ތަނަވަސްކަމެއް ނެތް މީހުން ކައިރި ޕެޓްރޯލް ސްޓޭޝަނަކަށް ގޮސް، މާސްކް ސާފު ކުރެވިދާނެކަމަށް އޭނާ ވަނީ ވިދާޅުވިއެވެ.
މީގެ އިތުރުން ވެސް ޑުޓޭޓޯ ވިދާޅުވީ އެކަމަށް ފާޑުކިއުމުގެ ޖާގައެއް ނެތް ކަމަށާއި، ރައީސްކަމުގެ މަޤާމުގައި މިއަދު ހުންނެވީ އެމަނިކުފާނު ކަމަށެވެ.
ޕެޓްރޯލް ބޭނުންކޮށްގެން ފޮތި މާސްކް ދޮވުމަށް ރައީސް ޑުޓާޓޭ އިރުޝާދު ދެއްވި ނަމަވެސް، އާންމުން މިފަދަ ގޮތަކަށް ޕެޓްރޯލް ގެންގުޅުމަކީ ރައްކާތެރި ގޮތެއްވެސް ނޫންކަމަށް ސިއްހީ ތަޖުރިބާކާރުންވެސް ދަނީ ބުނަމުންނެވެ.
