ދަށްފައިގައި ރިއްސަނީ މި ސަބަބަށް ޓަކައި ކަމަށް ވެދާނެ، ހައްލު މިއޮތީ!
ދަށްފައި ނުވަތަ ފައިގެ ހުދުހަމުގައި ރިއްސުމަކީ ބައެއް މީހުންނަށް ސިއްޙީގޮތުން ދިމާވާ ވަރަށް ބޮޑު މައްސަލައެކެވެ. އަދި އެތައް ބަޔޔަކު ތަހައްމަލު ކުރަމުން އަންނަ ވޭން ހުރި ބައްޔެކެވެ. ތަފާތު ޑޮކްޓަރުންނަށް ދައްކާ ގިނަ ފަރުވާތަކެއް ކުރި ނަމަވެސް ދާއިމީ ޙައްލެއް ނުލިބި މި ވޭނުގައި އުޅެންޖެހިފައިވާ މީހުން މިއަދު ވަރަށް ގިނަ ވެއްޖެއެވެ.
ފުންނާބާ އެކީ ފައިގެ ދަށްފުށުގައި ރިއްސާނަމަ އަމިއްލައަށް ތައްޔާރު ކޮށްލެވިދާނެ ވަރަށް ރަނގަޅުފަހުގެ ދިރާސާއަކުން ވަނީ ހޯދައިދީފައެވެ. ތިރީގައި މިބަޔާންކުރަނީ އެ ކްރީމް ތައްޔާރު ކުރާނެ ގޮތާއި، ބޭނުންވާ ތަކެއްޗާއި އަދި އެކްރީމް ބޭނުންކުރާނެ ގޮތުގެ ޚުލާސާއެކެވެ.
އަމިއްލައަށް ގޭގައި ފަސޭހަކަމާއެކު ތައްޔާރުކޮށްލެވިދާނެ މިކްރީމްގެ މައިގަނޑު އެއްޗަކީ "މެގްނީޒިއަމް" އެވެ. މެގްނީޒިއަމްއަކީ ހަށިގަނޑަށް ބޭނުންވާ އެތައް ސަތޭކަ "ބަޔޯކެމިކަލް ރިއެކްޝަން" އަކަށް ބޭނުންވާ ވަރަށް މުހިންމު މާއްދާއެކެވެ. އޭގެ މައިގަނޑު މަސްއޫލިއްޔަތަކީ ނާރުތަކާއި ހަށިގަނޑުގެ އެކިއެކި މަސްތަކަށް އެހީތެރިވުމެވެ. ހަމައެއާއެކު މިއީ ދިފާއީ ނިޒާމާއި ކަށިތައް ވަރުގަދަކޮށް އަދި ލޭގައި ހިމެނޭ ހަކުރު ކޮންޓްރޯލްކޮށް ހަށިގަނޑަށް ހަކަތަ ލިއްބައިދިނުމުގައި ވެސް އެހީވާ މާއްދާއެކެވެ. ދަށްފައިގައި ދާއިމީ ގޮތެއްގައި ރިއްސުމަށް ދިމާވާ މައިގަނޑު އެއްސަބަބަކީ ވެސް މެގްނީޒިއަމް މަދުވުން ކަމުގައި ވެދާނެއެވެ.
"އެމެރިކަން ހޯލިސްޓިކް މެޑިކަލް އެސޯސިއޭޝަން" ގެ ޑޮކްޓަރެއް ކަމުގައިވާ ޑރ.ނޯމަން ޝީލީ ކުރެއްވި ދިރާސާއަކުން އެނގުނީ ފުންނާބާއެކު ފައިގެ ދަށްފުށުގައި ރިއްސާ %75 ޕަސަންޓް މީހުންނަށް އެކަން އެ ދިމާ ވަނީ ހަށިގަނޑަށް ބޭނުންވާ މިންވަރަށް ހަށިގަނޑުގައި މެގްނީޒިއަމް ނެތުމެވެ.
ކްރީމް ތައްޔާރުކުރުމަށް ބޭނުންވާ ތަކެތި :
½ ޖޯޑް މެގްނީޒިއަމް އޮއިލް
½ ޖޯޑް އެވަކާޑޯ އޮއިލް
3 މޭޒްމަތީ ސަމްސާ ގެ ހުދުބަޓަރ
ތައްޔާރުކުރާނެ ގޮތް:
- ވަރަށް ކުޑަ ތެއްޔެއްގެ ¼ ބަޔަށް ފެންއަޅާށެވެ.
- ދެން އެ ފެންފޮދު ކެކިގަންނަންދެން ހޫނުކުރާށެވެ.
- އެ ފެންފޮދު ކުޑައިރުކޮޅަކު ހިހޫވަންދެން ބެހެއްޓުމަށްފަހު މެގްނީޒިއަމް އޮއިލް ފިޔަވައި އެހެން ތަކެތި ފެންފޮދުގެ ތެރެއަށް އަޅާށެވެ.
- އަނެއްކާ ދެވަނަ ފަހަރަށް އެ ފެންފޮދު ރަނގަޅަށް އޮލަވަންދެން ކައްކާށެވެ.
- ރަނގަޅަށް އޮލަވުމުން އަނެއްކާ ވެސް ހިހޫ ވަންދެން ބަހައްޓާލާށެވެ.
- ދެން އޭގެ ތެރެއަށް މެގްނީޒިއަމް އޮއިލް ފޮދު އަޅާށެވެ.
- އެއަށްފަހު ރަނގަޅަށް ގިރާލާށެވެ.
- ދެން 15 ވަރަކަށް މިނެޓް ވަންދެން އައިސް އަލަމާރީގައި ބެހެއްޓުމަށްފަހު ދަށްފައިގައި އުނގުޅާލާށެވެ.ކްރީމް އުނގުޅާނީ ކޮންމެ ދުވަހަކު ދެއިރުއެވެ. ކްރީމް އުނގުޅުމުގެ ކުރިން ދަށްފައި ރަނގަޅަށް ސާފުކޮށްލަންވާނެއެވެ. ހަފްތާއެއްހާ ދުވަހުގެ ތެރޭގައި ރިއްސުން އެއްކޮށް ރަނގަޅުވެދާނެއެވެ.
ނޯޓް: މެގްނީޒިއަމް އަކީ ހަށިގަނޑުގައިވާ ސެލޯށިތަކުގައި އެކުލެވޭ މަޢުދަން ތަކުގެ ތެރެއިން އެންމެ ގިނަ އަދަދަކަށް ސެލޯށިތަކުގައި އެކުލެވިގެންވާ މަޢުދަނެކެވެ.
ކޮންތާކުން ތިބުނާ ތެޔޮ ހޯދާނީ
ކޫންތާކުން ތިޔަބުނާ ތެލެއްލިބޭނީ؟
ގޭތެރޭގަ ފައިވާނަށް އަރާގެން އުޅެންފެށީމަ ރިއްސުން ހުއްޓޭނެ
މެގުނީޒިއަމް އޮއިލް ރާއްޖެއިން ލިބެން ހުރޭތަ ކޮންތާކު ހުންނަނީ