މާވަށުގެ ޖުމްލަ ނަތީޖާ ކަނޑައެޅުމުގައި ބަލާނީ އިއްޔެގެ ނަތީޖާއަށް އެކަނި!
ލޯކަލް ކައުންސިލް އިންތިޚާބުގައި ނަތީޖާ ހަމަހަމަވުމުގެ ސަބަބުން އިއްޔެ އަލުން ވޯޓްލީ ލ.މާވަށު ރައީސްގެ މަގާމާއި ކައުންސިލް މެމްބަރުގެ މަގާމަށް މެމްބަރުން އިންތިޚާބު ކުރުމުގައި ބަލާނީ އިއްޔެގެ ނަތީޖާއަށް އެކަނި ކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.
އީސީގެ ސީނިއަރ އޮފިޝަލަކު “ދެން’’އަށް މައުލޫމާތު ދެއްވަމުން ވިދާޅުވީ އީސީން ނިންމާފައި ވަނީ ހަމައެކަނި މައްސަލަ ޖެހުނު ފޮށީގެ ނަތީޖާއަށް އެކަނި ބަލައި ޖުމްލަ ނަތީޖާ ކަނޑައަޅުއްވަން ކަމަށެވެ.
އިއްޔެ ބޭއްވި ލޯކަލް ކައުންސިލް އިންތިޚާބުގެ ދެވަނަ ބުރުގައި ލ.މާވަށު ކައުންސިލްގެ ދެ ގޮނޑިއަކަށް މެމްބަރުން އިންތިޚާބު ކުރުމަށް ވޯޓް ލައިފައި ވެއެވެ. އެއީ ކައުންސިލްގެ ރައީސްގެ ގޮނޑިއާއި ކައުންސިލްގެ އާންމު މެމްބަރުގެ ގޮނޑިއެކެވެ.
ފުރަތަމަ ބުރުގައި މި ދެ ގޮނޑީގެ ނަތީޖާ އެއްވަރުވީއިރު ، މާވަށުގައި ބެހެއްޓި ދެ ނަމްބަރު ވޯޓް ފޮއްޓަށް ރަށުން ބޭރު ރައްޔިތެއް މާވަށު ކައުންސިލަށް ވޯޓް ލައިފައި ވެއެވެ. އެހެންކަމުން އީސީން ނިންމެވީ ދެވަނަ ބުރުގައި ހަމައެކަނި އެ ފޮށީގެ ވޯޓްލުން ކުރިއަށް ގެންދިޔުމަށެވެ.
އީސީގެ މި ނިންމުމާއި ގުޅިގެން ރޭ ވަނީ ލ.މާވަށުގައި މުޒާހަރާ ވެސް ކޮށްފައެވެ. އީސީގެ އޮފިޝަލް ހުންނަވާ ގޭގެ ކައިރީގައި ރޭ ކުރި މުޒާހަރާގައި އެ ރަށު ރައްޔިތުން ގޮވާލައިފައި ވަނީ ނަތީޖާ ކަނޑައެޅުމުގައި ބައިވެރިވި މާވަށު ހުރިހާ ރައްޔިތުންގެ ބަސް ޝާމިލް ކުރަން ޖެހޭނެ ކަމަށެވެ. އަދި އެހެން ފޮށިތަކުގެ ނަތީޖާއަށް ނުބައްލަވައި ހަމައެކަނި ވަކި ފޮއްޓެއްގެ ނަތީޖާއަށް ބަލައި ދާއިމީ ނަތީޖާއެއް ކަނޑައެޅުއްވުމަކީ އެއްވެސް އިންސާފެއް ނޫން ކަމަށާއި އެއީ މާވަށު ކައުންސިލަށް މެމްބަރުން ކަނޑައެޅުމަށް ރައްޔިތުން ދިން ވޯޓް ވެސް ނިގުޅައިގަނެ ، އެ ރައްޔިތުންގެ މޫނުމަތީގައި އެތިފަހަރެއް އަޅާލުން ކަމަށް ސިފަ ކުރެވޭ ކަމަށް ވެސް މުޒާހަރާގެ ބައިވެރިއަކު "ދެން"އަށް މައުލޫމާތު ދެމުން ބުނެފައި ވެއެވެ.
އިއްޔެ މާވަށުގައި ބޭއްވި ދެ ނަމްބަރު ފޮށީގެ އިންތިޚާބުގައި ރައީސްކަމަށް ، ޕީޕީއެމްއިން ވާދަ ކުރެއްވި އަހުމަދު މޫސާއަށް ލިބިފައި ވަނީ 218 ވޯޓެވެ. އަދި އެމްޑީޕީގެ ކެނޑިޑޭޓް އާދަމް ޢަބްދުއްރަޙުމާނަށް 232 ވޯޓް ލިބިފައި ވެއެވެ. މި ފޮށިން އެމްޑީޕީގެ ކެނޑިޑޭޓް 14 ވޯޓް ކުރި ހޯއްދެވި ނަމަވެސް އެހެން ހުރިހާ ފޮށިތަކުގެ ނަތީޖާއިން ޕީޕީއެމްގެ ކެނޑިޑޭޓް 40 ވޯޓް ކުރި ހޯއްދަވައިފައި ވެއެވެ. ނަމަވެސް އިލެކްޝަން ކޮމިޝަންގެ ނިންމުމާ ގުޅިގެން މާވަށު ކައުންސިލްގެ ރައީސްކަމަށް އިންތިޚާބު ވާނީ އެ މަގާމަށް ވާދަ ކުރެއްވި ދެ ކެނޑިޑޭޓުންގެ ތެރެއިން މަދުން ވޯޓް ލިބުނު ކެނޑިޑޭޓެވެ.
މާވަށު ރައްޔިތުންނޭ ނުލިޔެ، މާވަށު ޕީޕީއެމް މީހުނޭ ލިޔޭ ތިޔަ މުޒާހަރާކުރަނީ
40 ވޯޓު ކުރީގަ އޮތީ ކުރީފަހަރު ލީ ދެފޮށި އެއްކޮއްލުމުން. ހުރިހާފޮއްޓެއް އަލުން ނުލީމަ ވީގޮތް މިއީ
ބާތިލްކުރީ ހަމައެކަނި 2 ނަންބަރު ފޮށި. . .
ބަލަ އެފޮށީގެ ނަތީޖާއަކީ މުޅި މާވަށުގެ ނަތީޖާކަމަކަށް ނުބެލޭނެ. މައްސަލަ ކޯތަށް ވައްދަން ފެނޭ.
ރައްޔިތުންނަށް ޚިދުމަތް ކުރަން ރައްޔަތުންގެ ވަކިބަޔަކު ދޭ ވޯޓަކަށް ނޫން ބަލާނީ. މާވަށުން ވޯޓު ދިން ހުރިހާ ބައެއްގެ ވޮޓު ހިމަނަމްވާނެ. އެހެންޏޫނަމަ ވޯޓުލާން ޖެހޭނީ އެންމެންނަށް ވެސް ލެވޭ ގޮތަށް. އިސީ ޝަރީފު ހިތަށް އެރި ގޮތަކަށް ދިވެހި ރައްޔަތުންނާ ދޭތެރޭ ނެހެދޭނެ. ތިހެން ކަމަށް ވާނަމަ ރިޔާސީ އިންތިކާބު ހަމައެކަނި އެމްޑީޕީ މެންބަރުންނަށް ވެސް ނުބާއްވާނެއޭ ބުނާކަށް ނުކެރޭނެ. އެންމެ ފޮށްތަކުން ނަތީޖާ ބަލަންޏާ މައްސަލ ޚޯތަށް ވައްދަން އަހުމަދު މޫސާއަށް ދަންނަވަން.
2ނަންބަރުފޮއްޓައް ދާއިރާއިންބޭރުމީހާލީވޯޓުއެކަނިބާތިލުކުމުންނިމެންއޮތްމައްސަމައެއްމީ
އެހެން ބާތިލު ކުރާނަމަ ހޮވޭނީ މޑޕ ދެ މެންބަރުން. އެނގި ހުރެ ވޯޓު ލީ މީހާ އާ ކަރުދާސް ދިން މީހާގެ ޒިންމާ އެއް އެބަ ވޭ