ކޮވިޑުގެ ނުރައްކާ އަތޮޅުތަކަށް: ޖުމްލަ 1902 ކޭަސް

ރާއްޖޭގެ ރަށްތަކުގައި ހަލުވި ކަމާއެކު ކޮވިޑް-19 ފެތުރި، އަތޮޅުތެރޭގައި ބަލި ޖެހިފައިވާ މީހުންގެ އަދަދު 1،900 އިން މައްޗަށް ހިނގައްޖެއެވެ.

Ads by STELCO

ވޭތުވެދިޔަ ހަފްތާއެއްހާ ދުވަހު ރާއްޖޭގެ އެކި ކަންކޮޅުތަކުގައި ކޮވިޑް-19 ގެ ކޭސްތައް އިތުރުވެފައި ވާއިރު، ގިނަ ދުވަސްތަކުގައި ރާއްޖެއިން މި ބައްޔަށް ފައްސިވާ މީހުންގެ ޖުމްލަ އަދަދު އުޅެނީ 300 އިން މަތީގައެވެ. އަދި މިއަދު ރާއްޖެއިން 500 އަށް ވުރެ ގިނަ މީހުން ވަނީ ފައްސިވެފައެވެ.

މިއަދުގެ އިރުއޮއްސުމާ ހަމައަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ނެރުނު ތަފާސް ހިސާބުތަކަށް ބަލާއިރު، މިއަދު އެކަނި ވެސް މާލެއިން 276 މީހަކު ވަނީ ކޮވިޑަށް ފައްސިވެފައެވެ. އަދި އަތޮޅު ތެރެއިން 185 މީހަކު ފައްސިވެފައިވާއިރު، ރިސޯޓުތަކުން 12 މީހަކު ވަނީ މި ބައްޔަށް ފައްސި ވެފައެވެ. އަދި އިންޑަސްޓްރިއަލް މަސައްކަތް ކުރާ ރަށްތަކުން 32 މީހަކު ކޮވިޑަށް ފައްސިވެފައި ވެއެވެ.

އެއާއެކު އަތޮޅު ތެރޭގައި މި ބަލި ޖެހިފައިވާ މީހުންގެ ޖުމުލަ އަދަދު ވަނީ 1902 އަށް އުފުލިފައެވެ. އޭގެ ތެރޭގައި ގިނައީ ދިވެހިންނެވެ. އެގޮތުން 1342 ދިވެހިންނާއި 560 ބިދޭސީން އަތޮޅުތެރެއިން ފައްސިވެފައި ވެއެވެ. އެންމެ ގިނައިން ބައްޔަށް ފައްސިވެފައިވާ މީހުން ތިބި ރަށްތަކުގެ ތެރޭގައި، ޅ. ނައިފަރާއި ކ. މާފުށި އަދި އއ. މަތިވެރި ފާހަގަ ކޮށްލެވެއެވެ. އަދި ކ އަތޮޅު މާފުށީގައި އެކަނި ވެސް 300 އަށް ވުރެ ގިނަ މީހުން ފައްސިވެފައި ތިބި އިރު، ބާކީ ރަށްތަކުގައި ފައްސިވެފައިވާ މީހުންގެ ޖުމުލަ އަދަދު އުޅެނީ، 250 އިން މަތީގައެވެ.

ކޮވިޑްގެ ހާލަތު އެންމެ ގޯސް ރަށްތައް