ބައްޕައަށް ކޮވިޑް ޖެހި ފަރުވާއެއް ލިބޭތޯ ހޮސްޕިޓަލްތަކަށް ދުވި ނަމަވެސް ، އެނދެއް ލިބުނީ މަރުވި ފަހުން!
އެއީ މިދިޔަ މަހުގެ 14 ވަނަ ދުވަހެވެ. އުމުރުން 39 އަހަރުގެ އަޝީޝް ޝްރިވާސްތަވް، ހާސްވެގެން އުޅުނީ އޭނާގެ އުމުރުން 79 އަހަރުގެ ބައްޕަ، ސުޝިލް ކުމާރަށް އަވަސް ފަރުވާއެއް ހޯދައި ދިނުމަށެވެ.
އަޝީޝްގެ ބައްޕައަށް ނޭވާ ނުލެވިގެން އުޅޭތީ، އޭނާ ގެންގުޅޭ ކުޑަ ކާރަށް އަވަހަށް އަރުވައިގެން ލަކްނައު ގައި ހުރި ވިވޭކްއާނަންދް ހޮސްޕިޓަލަށް ބާރު ސްޕީޑުގައި އަޝީޝް ދަތުރު ކުރިއެވެ.
ހޮސްޕިޓަލަށް ގޮސް ޓެސްޓު ކުރި ފަހުން އެނގުނީ ސުޝިލް ކޮވިޑް-19 އަށް ފައްސި ވެފައިވާ ކަމެވެ. ނަމަވެސް ކޮވިޑަށް ފައްސިވެ، އަޝީޝްގެ ބައްޕަގެ ހާލު އެހާ ދެރަވެފައިވީ ނަމަވެސް އެ ހޮސްޕިޓަލުން އެންގީ އޭނާ އެތަނުގައި އެޑްމިޓު ކުރެވެން ނެތް ކަމަށެވެ. ސަބަބަކީ ހޮސްޕިޓަލުގައި އެޑްމިޓު ކުރާނެ އެނދެއް ނެތުމެވެ.
އަޝީޝް އަކީ ނުކުޅެދުންތެރިކަން ހުންނަ ކުޑަކުދިންނަށް ޚާއްސަ ރީހެބިލިޓޭޝަން ސެންޓަރެއް ހިންގާ މީހެކެވެ. އޭނާގެ ބައްޕަ އެޑްމިޓު ކޮށްދިނުމަށް އެދި އަޝީޝް ޑޮކްޓަރުން ގާތުގައި ވަރަށް އާދޭސް ކުރިއެވެ. ނަމަވެސް އެ ހޮސްޕިޓަލުން ބުނީ ސަރުކާރު ހޮސްޕިޓަލަކަށް ދިޔުމަށެވެ.
އެހެންކަމުން އަޝީޝް އަނެއްކާ ވެސް އޭނަގެ ބައްޕަ ގެންގޮސް ކާރަށްލިއެވެ. އަދި 5 ލީޓަރުގެ ދެ އޮކްސިޖެން ސިލިންޑަރު ގަނެ، ސުޝިލްއަށް އޮކްސިޖެން ގުޅުމަށް ފަހު އޭނާ އަނެއްކާވެސް ދަތުރު ކުރަމުން ދިޔައީ އޭނަގެ ބައްޕަ އެޑްމިޓު ކުރާނެ ހޮސްޕިޓަލެއް ހޯދުމަށެވެ.
"ސަލާން ޖަހާ މީހެއް ފަދައިން، ފަހަރަކު ހޮސްޕިޓަލަކަށް އަހަރެން ދިޔައިން އާދޭސް ކުރަމުން. އެކަމަކު އަމިއްލަ ހޮސްޕިޓަލަކުން ވެސް އަދި ސަރުކާރު ހޮސްޕިޓަލަކުން ވެސް އޭރު ޖާގައެއް ނުލިބުނު، ބައްޕަ ބުނަމުން ދިޔަ ތިމަންނާގެ ހާލު ރަނގަޅޭ ގެއަށް ގެންގޮސްދޭށޭ. އެކަމަކު އަހަންނަށް އެނގުނު އެއީ ދޮގެއްކަން" އިންޑިއާގެ މީޑިއާ އަކަށް މައުލޫމާތު ދެމުން އަޝީޝް ކިޔައިދިނެވެ.
އަޝީޝް ބުނިގޮތުގައި، ލަކްނައުގެ ހޮސްޕިޓަލެއްގައި އޭނަގެ ބައްޕަ އެޑްމިޓު ކުރެވޭތޯ ކުރަމުން ދިޔަ މަސައްކަތުގެ ތެރެއިން ދެ ފަހަރަށް އޮކްސިޖަން ސިލިންޑަރ ހުސްވެގެން އަލުން އޮކްސިޖަން އަޅަން ޖެހުނު ކަމަށެވެ.
"އެންމެ ފަހުން ރައްޓެހި ޑޮކްޓަރެއްގެ އަމިއްލަ ކްލިނިކެއްގައި ބައްޕަ އެޑްމިޓު ކުރަން ޖާގަ ލިބުނު. އެކަމަކު އެއީ ކޮވިޑަށް ފައްސިވިތާ 36 ގަޑިއިރު ފަހުން. އޭރު ވަނީ މާ ލަސްވެފަ. އޭޕްރިލް މަހުގެ 16 ވަނަ ދުވަހު ބައްޕަ މަރުވެއްޖެ" އަޝީޝް ކިޔައިދިނެވެ.
އަޝީޝް ބުނި ގޮތުގައި އޭނަގެ ބައްޕަ މަރުވި ދުވަހު ކޮވިޑް ކޮމާންޑް ސެންޓަރުން އޭނައަށް ކޯލެއް ލިބުނެވެ. އެމީހުން ބުނީ ލަކްނައުގެ ހޮސްޕިޓަލެއްގައި އޭނަގެ ބައްޕަ އެޑްމިޓު ކުރަން އެނދެއް ލިބިފައިވާ ކަމަށެވެ.
"އަހަންނަށް ހީވީ މެއަށް ޚަންޖަރެއް ހެރުނުހެން" އެ ކޯލު އިވުމުން ކުރެވުނު އިހުސާސް އަޝީޝް ކިޔައިދިނެވެ.
އަޝީޝްގެ ބައްޕަގެ މަރުގެ ޒިންމާ އޭނާ އަޅުވަނީ އިންޑިއާގެ ސިޔާސީ ލީޑަރުންގެ ބޮލުގައެވެ. އޭނާ ބުނީ އެމީހުންނަކީ ރައްޔިތުންނާމެދު ނުވިސްނާ، އަމިއްލަ ޕާޓީއާމެދު އެކަނި ވިސްނާ ބައެއް ކަމަށެވެ.
އެއީ ޕާރޓީ ނިޒާމުގެ ބިރުވެރިކަން