މި މަހުގެ 15އާ ހަމައަށް ބޭންކުތައް ދެން ހުޅުވާނީ ހަފްތާއަކު ދެ ދުވަހު
ބޭންކް އޮފް މޯލްޑިވްސް (ބީއެމްއެލް) އިން މި މަހުގެ 15 އާ ހަމައަށް ޒަރޫރީ ބޭނުންތަކަށް ބޭންކްތައް ހުޅުވާނީ ހަފްތާއަކު ދެ ދުވަހު ކަމުގައި މަރުކަޒީ ބޭންކު އެމްއެމްއޭ އިން ބުނެފިއެވެ.
މި ބަދަލަކީ ކޮވިޑް-19 އާ ގުޅިގެން ރާއްޖޭވެ ހާލަތު ގޯސްވަމުން ދާތީ ގެނެވިފައިވާ ބަދަލެކެވެ. އެގޮތުން އެމްއެމްއޭ އާއި ބޭންކުތައް ހުޅުވައިލައިގެން ޚިދުމަތް ދޭ ގޮތަށް ހަމަޖެހިފައި ވަނީ ކޮންމެ ހަފްތާއެއްގެ ވެސް ހޯމަ އަދި ބުދަ ދުވަހެއްގެ، ހެނދުނު 9:00 އިން މެންދުރު 12:00 އަށެވެ.
މީގެ އިތުރުން އެމްއެމްއޭގެ ޚިދުމަތް ދިނުމާއި ތަކެތި ބަލައިގަތުން ވެސް ވަނީ ބޭންކުތަކުން ޚިދުމަތް ދޭ ވަގުތުތަކަށް ބަދަލު ކުރެވިފައެވެ.
ރާއްޖޭގައި ކޮވިޑް-19 ގެ ހާލަތު ގޯސްވެފައި ވާތީ އެޗްޕީއޭއިން އަޅައިފައިވާ ފިޔަވަޅުތައް ހަރުކަށި ކުރުމާގުޅިގެން މި މަހުގެ 15 ވަނަ ދުވަހުގެ ނިޔަލަށް މާލެ ސަރަހައްދުގެ އޮފީސްތަކުން ހިދުމަތް ދިނުމަށް ވެސް މިހާރު ހަމަޖައްސާފައި ވަނީ އޮންލައިން ކޮށެވެ.
