ތިނަދޫން އިތުރު ބަޔަކު ފައްސިވެ ޖުމްލަ އަދަދު 35 އަށް

ގދ. ތިނަދޫން އިތުރު ބަޔަކު ކޮވިޑަށް ފައްސިވެ، ފައްސިވީ އަދަދު 35 އަށް އަރައިފިއެވެ.

މިއަދު އެ ރަށުން އަލަށް 5 މީހަކަށް ބަލި ޖެހިފައިވެއެވެ. ވަކި ތަރުތީބެއް ނެތި ނެގުނު ސާމްޕަލެއް ވެސް ވަނީ ފައްސިވެފައެވެ. މިއަދު ތިނަދޫން ފައްސިވި މީހުންގެ ތެރޭގައި ވެކްސިންގެ ދެ ޑޯޒް ހަމަކޮށްފައިވާ މީހުންވެސް ހިމެނެއެވެ. އެ ރަށުގައި ރެންޑަމް ސާމްޕަލް ނެގުމުގެ މަސައްކަތް ކުރަމުން ދެއެވެ.

ޑރ. އަބްދުއްސަމަދު މެމޯރިއަލް ހޮސްޕިޓަލުގެ ޕީއާރް އޮފިސަރ ސާލިމް އަލީ “ދެން”އަށް މައުލޫމާތު ދެއްވި ގޮތުގައި، އިއްޔެގެ އިރު އޮއްސުމާ ހަމައަށް އެރަށުން ގާތްގަނޑަކަށް 600 ރެންޑަމް ސާމްޕަލް ނެގިފައިވާ ކަމަށާއި، މިއަދު އޭގެން ގާތްގަނޑަކަށް 70 ސާމްޕަލްގެ ނަތީޖާ ލިބުނު އިރު އޭގެން އެއް ސާމްޕަލް ކޮވިޑަށް ފައްސިވެފައިވާ ކަމުގައި ސާލިމް ވިދާޅުވިއެވެ.

މިމަހު 24ވަނަ ދުވަހު ތިނަދޫގައި ހޯމް ކަރަންޓީނުގައި ހުރި ދެ މީހަކު ފައްސިވެފައި ވެއެވެ. އޭގެ ތެރެއިން މީހަކާ ޑައިރެކްޓް ކޮންޓެކްޓްވި ކަރަންޓީނުގައި ނެތް ފަރާތެއް ފައްސިވުމާ އެކު ތިނަދޫ ވަނީ މޮނީޓަރިންގ ހާލަތަށް ގެނެވިފައެވެ.

ތިނަދޫ ޑރ.ޢަބްދުއްޞަމަދު މެމޯރިއަލް ހޮސްޕިޓަލުން <span class="s2">ވަނީ</span> ރަ<span class="s2">އްކާތެރި</span> <span class="s2">ކަމުގެ</span><span class="s2">ފިޔަވަޅުތައް އެޅުމަށް އާންމުންނަށް އިލްތިމާސް ކޮ</span><span class="s2">ށްފައެވެ</span><span class="s1">. </span><span class="s2">އަދި</span> <span class="s2">ކޮންޓެކްޓް </span><span class="s2">ޓްރޭސިންއާ</span> <span class="s2">ގުޅޭ</span> <span class="s2">އެއްވެސް </span><span class="s2">މައުލޫމާތެއް</span> <span class="s2">ހިއްސާ </span><span class="s2">ކުރައްވަން</span> <span class="s2">ބޭނުންފުޅު </span><span class="s2">ނަމަ </span><span class="s2">ތިނަދޫ</span> <span class="s2">ކޮވިޑް</span> <span class="s2">ހޮޓްލައިން </span><span class="s2">ނަންބަރު</span><span class="s1"> 7934641 </span><span class="s2">އާ</span> <span class="s2">ގުޅުއްވައި</span> <span class="s2">މައުލޫމާތު </span><span class="s2">ހިއްސާ ކުރެއްވުމަށް</span> ވެސް އެ ހޮސްޕިޓަލުން އެދެއެވެ.