ތިނަދޫން އިތުރު ދެ މީހަކު ކޮވިޑަށް ފައްސިވެ ޖުމްލަ އަދަދު 41 އަށް

ގދ. ތިނަދޫއިން އިތުރު 2 މީހަކު ފައްސިވެ އެ ރަށުގެ އެކްޓިވް ކޭސްތަކުގެ އަދަދު 41 އަށް އަރައިފިއެވެ.

Ads by MWSC

ފައްސިވެފައި ވަނީ ކަރަންޓީނުގައި ތިބި ދެ މީހުންނެވެ. އެމީހުން ޓެސްޓުކޮށްފައި ވަނީ ބަލީގެ އަލާމާތްތައް ފެނިގެން ކަމަށް މައުލޫމާތު ލިބެއެވެ. މި މީހުންނާ ގާތުން ދިމާވި މީހުން ދެނެގަނެ މިހާރު އެމީހުން ކަރަންޓީނު ލުމުގެ މަސައްކަތް ކުރިއަށް އެބަދެއެވެ.

ތިނަދޫގައި ކޮވިޑް ފެތުރެން ފެށީ މިމަހު 24ވަނަ ދުވަހު ތިނަދޫގައި ހޯމް ކަރަންޓީނުގައި ހުރި ދެ މީހަކު ފައްސި ވުމުންނެވެ. އޭގެ ތެރެއިން މީހަކާ ޑައިރެކްޓް ކޮންޓެކްޓްވި ކަރަންޓީނުގައި ނެތް ފަރާތެއް ފައްސިވުމާ އެކު ތިނަދޫ ވަނީ މޮނީޓަރިންގ ހާލަތަށް ގެނެވިފައެވެ.

ތިނަދޫ ޑރ.ޢަބްދުއްޞަމަދު މެމޯރިއަލް ހޮސްޕިޓަލުން ވަނީ ރައްކާތެރިކަމުގެ ފިޔަވަޅުތައް އެޅުމަށް އާންމުންނަށް އިލްތިމާސް ކޮށްފައެވެ. އަދިކޮންޓެކްޓް ޓްރޭސިންއާ ގުޅޭ އެއްވެސް މައުލޫމާތެއް ހިއްސާ ކުރައްވަން ބޭނުންފުޅު ނަމަ ތިނަދޫ ކޮވިޑް ހޮޓްލައިން ނަންބަރު 7934641 އާ ގުޅުއްވައި މައުލޫމާތު ހިއްސާ ކުރެއްވުމަށް ވެސް އެ ހޮސްޕިޓަލުން އެދެއެވެ.