ކޮވިޑް-19 އަށް ފައްސިވާ މީހުންގެ އަދަދު އިތުރުވަމުންދާތީ ކްލިނިކް ތަކުގެ އެހީއަށް އެދިއްޖެ
ކޮވިޑް-19އަށް ފައްސިވާ މީހުންގެ އަދަދު އިތުރުވަމުން ދާތީ ސަރުކާރުން ކްލިނިކްތަކުގެ އެހީއަށް އެދިއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ ސިއްހީ ޚިދުމަތް ދެމުން އަންނަ ތަންތަނާ ބައްދަލުކޮށް އެފަދަ ތަންތަނުގައި މަސައްކަތް ކުރާ ނަރުހުންނާއި ޑޮކްޓަރުން ދޫކޮށްދިނުމަށް އެދިފައެވެ. ސަބަބަކީ ބައްޔަށް ފައްސިވާ މީހުންގެ އަދަދު އިތުރު ވަމުން އައުމާއެކު ސިއްހީ ހިދުމަތްތެރިންނަށް ބާރުބޮޑުވަމުން ދާތީ ކަމަށް އެޗްޕީއޭއިން ވަނީ އަންގައިފައެވެ.
ކޮވިޑް-19އަށް ފައްސިވާ މީހުންނަށް ފަރުވާ ކުރުމަށް ގާއިމް ކުރެވިފައިވާ ފެސިލިޓީތަކާއި އަތޮޅުތަކުގައި ހުރި ބައެއް ފެސިލިޓީތަކަށް ވެސް ބާރު ބޮޑުވަމުން ދިޔަ ނަމަވެސް ސިއްހީ ހިދުމަތްތެރިން މަދު ވާނަމަ ކަންކަން ހަމައަކަށް އެޅުވުމަކީ އުނދަގޫ ކަމަކަށް ވާނޭ ކަމަށް އެޗްޕީއޭއިން ހާމަ ކުރިއެވެ.
ކޮވިޑަށް ފައްސިވާ އަދަދު 1000 އިން މަތީގައި އުޅުނު ނަމަވެސް އިއްޔެ އެ އަދަދު ވަނީ 700 އަށް ވެއްޓިފައެވެ. އަދި މި ބަލީގައި ރާއްޖެއިން މިހާތަނަށް 100 މީހަކު ވަނީ ނިޔާ ވެފައެވެ.
