ޢަބްދުއްރަޙީމްގެ ދެކަނބަލުން ވެސް ކޮވިޑަށް ފައްސި

ޕީއެންސީގެ ލީޑަރު އަދި ރައްޔިތުން މަޖިލީހުގެ ފޮނަދޫ ދާއިރާގެ ކުރީގެ މެމްބަރު ޢަބްދުއްރަޙީމް އަބްދުﷲ (އަދުރޭ) އާއި އަދުރޭގެ އަނބިކަނބަލުން ވެސް ކޮވިޑް-19 އަށް ފައްސިވެއްޖެއެވެ.

Ads by MWSC

މައުލޫމާތު ލިބިފައިވާ ގޮތުގައި އަބްދުއްރަޙީމްއާއި އަނބިކަނބަލުން ކޮވިޑަށް ފައްސިވެފައިވާކަން އެނގުނީ މިއަދުއެވެ. އަދި ދެ ބޭފުޅުން ވެސް ބައްޔަށް ފަރުވާ ހޯއްދަވަމުން އަންނަނީ ގޭގައި ތިއްބަވައިގެން ކަމަށާއި، ދެ ބޭފުޅުންގެ ހާލު ރަނގަޅު ކަމަށް ވެސް މައުލޫމާތު ލިބެއެވެ. އަދި އަދުރޭއަކީ ހައިރިސްކު ބޭފުޅެކެވެ.

ކުރީގެ ރައީސް ރައީސް ޔާމީނާއެކު އަދުރޭގެ ސިޔާސީ ޙަޔާތްފުޅު ފައްޓަވައި މިއަދު އަދުރޭއަކީ އިދިކޮޅު ސިޔާސީ ހަރަކާތްތައް ހިންގުމުގައި އެންމެ އިސްކޮށް ހަރަކާތްތެރިވާ ލީޑަރެވެ.

ކޮވިޑް-19އަށް ފައްސިވާ މީހުންގެ އަދަދު ދުވަހެއް ދުވަހަކަށް އިތުރުވަމުން އަންނަ އިރު، އިއްޔެއަކީ ރެކޯޑު އަދަދަކަށް ރާއްޖެއިން މީހުން ފައްސިވި ދުވަހެކެވެ. އެގޮތުން އިއްޔެ އެކަނި ވެސް ރާއްޖެއިން 2،000 އަށް ވުރެ ގިނަ މީހުން ވަނީ ކޮވިޑް-19 އަށް ފައްސިވެފައެވެ. އަދި ރާއްޖެއިން މި ބަލީގައި ނިޔާވި މީހުންގެ ޖުމުލަ އަދަދު ވަނީ 118 އަށް އަރައިފައެވެ.