ރާއްޖޭގެ އިޤްތިޞާދު 22.7 އިންސައްތަ މައްޗަށް ދާނެ ކަމަށް ލަފާކުރެވޭ: އަމީރު
މިހިނގާ 2021 ވަނަ އަހަރު ނިމުމުގެ ކުރިން ރާއްޖޭގެ އިޤްތިޞާދު 22.7 އިންސައްތަ ކުރިއަށް ދާނެ ކަމަށް ލަފާ ކުރެވޭ ކަމަށް މިނިސްޓަރ އޮފް ފިނޭންސް އިބްރާހިމް އަމީރު ވިދާޅުވެއްޖެއެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަމީރު ވިދާޅުވީ، މި އަހަރު ރާއްޖޭގެ އިޤްތިޞާދަށް ބޮޑެތި ކުރިއެރުންތަކެއް އަންނަމުން ދާ ކަމަށެވެ. އަދި ބެލެވޭ ގޮތުގައި 2023 ވަނަ އަހަރުގެ ފަހުކޮޅު ރާއްޖޭގެ އިޤްތިޞާދު ކޮޅަށް ޖަހައި ކުރީގެ އިޤްތިޞާދަށް ރުޖޫއަވެވޭނެ ކަމަށް ވެސް އަމީރު ވިދާޅުވިއެވެ.
އެ ބައްދަލުވުމުގައި އަމީރު އިތުރަށް ވިދާޅުވީ، ހިލޭ އެހީއާއި ލޯނުގެ ގޮތުގައި 2020 ވަނަ އަހަރު ރާއްޖެއަށް 1.3 ބިލިއަން ޑޮލަރު ލިފައިވާ ކަމަށެވެ. އަދި މި ހިނގާ 2021 ވަނަ އަހަރު ޓެކުހުން ލިބުނު ފައިދާ އުއްމީދު ކުރި ވަރަށް ވުރެ އިތުރު ކަމަށް ވެސް އަމީރު ފާހަގަ ކުރެއްވިއެވެ.
