ކޮވިޑް-19 ޖެހިގެން ގދ.ތިނަދޫން މީހަކު ނިޔާވެއްޖެ
ކޮވިޑް-19 ޖެހިގެން ގދ.ތިނަދޫ ކޮވިޑް ފެސިލިޓީގައި ފަރުވާ ހޯދަމުން ދިޔަ މީހަކު ނިޔާވެއްޖެއެވެ.
ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލުން މައުލޫމާތު ދޭގޮތުގައި މި ބަލީގައި ނިޔާވެފައިވަނީ އެރަށު ކޮވިޑް ފެސިލިޓީގައި ފަރުވާ ދެމުންދިޔަ އުމުރުން 88 އަހަރުގެ ދިވެހި ފިރިހެނެކެވެ.
މިއީ ތިނަދޫގައި މި ބަލި ޖެހިގެން ނިޔާވި ފުރަތަމަ މީހާއެވެ. މި މަރާ އެކު ރާއްޖެއިން ކޮވިޑް-19 ޖެހިގެން ނިޔާވި މީހުންގެ އަދަދު މިވަނީ 173 އަށް އަރައިފައެވެ.
މިއީ ރާއްޖެއިން މި މަހު މި ބަލީގައި މަރުވި 11ވަނަ މީހާއެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
ކޮމެންޓް