ސަލްމާގެ މަރު: މައްސަލަ ކުރިއަށް ނުގޮސް ލަސްވާތީ ވަކީލުންގެ ކަންބޮޑުވުން
ވިހެއުމުގެ ތެރޭގައި ނިޔާވި ސަލްމާ ނަސީރުގެ މައްސަލަ ކުރިއަށް ނުގޮސް، ލަސްވާތީ ވަކީލުން ކަންބޮޑުވުން ފާޅުކުރައްވައިފިއެވެ.
ސަލްމާގެ ފިރިމީހާގެ ފަރާތުން ވަކާލާތުކުރާ އެޑްވޮކެސީ ޗެމްބާސް އިން ވަނީ ސަލްމާ ނިޔާވުމުގައި އޭޑީކޭ ހޮސްޕިޓަލާއި އެ ހޮސްޕިޓަލްގެ މުވައްޒަފުންތަކެއްގެ އިހުމާލު އޮތް ކަމަށް ގަބޫލުކުރެވޭތީ ޖިނާއީ މައްސަލައެއްގެ ގޮތުގައި ތަހުގީގުކޮށްދިނުމަށް އެދި ކޮމިޝަނަރ އޮފް ޕޮލިސް މުޙައްމަދު ހަމީދުއަށް ސިޓީއެއް ފޮނުއްވާފައެވެ.
ސަލްމާގެ ފަރާތުން މި މައްސަލަ ކުރިއަށްގެންދާ ވަކީލުން ވަނީ، މި މައްސަލައިގައި ޝާމިލްވާ ބައެއް މީހުންނަކީ ރާއްޖެ އިން ބޭރުގެ ބަޔަކަށް ވުމުން މައްސަލަ ތަހުގީގުކޮށް ނިމުމުގެ ކުރިން އެ މީހުން ފުރައިގެން ހިނގައިދާނެތީ ބިދޭސީންގެ ޕާސްޕޯޓު ހިފަހައްޓައިދިނުމަށް ވެސް އެދިލައްވާފައެވެ.
އޭގެއިތުރުން މި އަހަރުގެ އޭޕްރިލްގެ 27ގައި ވަކީލުން ވަނީ މި މައްސަލަ ބަލައިދިނުމަށް އެދި މޯލްޑިވްސް މެޑިކަލް ކައުންސިލަށް ވެސް ސިޓީ ހުށަހަޅާފައެވެ.
އެޑްވޮކެސީ ޗެމްބާސްގެ މެނޭޖިން ޑިރެކްޓާ މުހުތާޒު މުހުސިން ވިދާޅުވީ މި މައްސަލަ ބަލާކަމުގެ އެއްވެސް ނިޝާނެއް އެއްވެސް އިދާރާއަކުން ނުފެންނަ ކަމަށެވެ.
"ޕޮލިސް އިން ކޭސް ރަޖިސްޓްރީކުރި ކަމެއް ވެސް ނާންގާ" މުހުތާޒު ވިދާޅުވިއެވެ.
މީގެ އިތުރުން މުހްތާޒް ވިދާޅުވީ ފުރާނަ އަކީ މުހިއްމު އެއްޗަކަށް ނުވާކަން، މި މައްސަލަ ލަސްވާތީ ވެސް ހާމަ ވާ ކަމަށެވެ.
ވަކީލުންގެ މި ބަހާ ގުޅިގެން ފުލުހުންގެ މީޑިއާ އޮފިޝަލަކު ވިދާޅުވީ ސަލްމާ ނިޔާވި މައްސަލައިގެ ތަހުގީގުގައި ހޯދަންޖެހޭ މައުލޫމާތު ހޯދައި ތަހުގީގުގައި ކުރަންޖެހޭ މަސައްކަތްތައް ކުރަމުން އަންނަކަމަށެވެ.
އެކަމަކު ނަޝީދުގެ މައްސަލަ ކުރިއަށް ނުހަލައިގެން އެއުޅެނީ.. ދެން ކިހިނެއް އެހެން ކަމެއް ވާނީ