ރައީސް ޞާލިޙް މިއަދު ނޫސްވެރިންނާ ބައްދަލުކުރައްވަނީ

ރައީސް އިބްރާހިމް މުހައްމަދު ސޯލިހް މިއަދު ނޫސްވެރިންގެ ބައްދަލުވުމެއް ބާއްވަން ނިންމަވައިފިއެވެ.

Ads by Sosun Fihaara

ރައީސް އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ މިއަދު ހަވީރު 16:30ގައި ރައީސް ސޯލިހް ނޫސްވެރިންނާއި ބައްދަލުކުރައްވާނެ ކަމަށާއި އެ ބައްދަލުކުރެއްވުމުގައި، ކޮވިޑު-19އާ ގުޅިގެން އަޅައިފައިވާ ފިޔަވަޅުތަކާ ގުޅޭގޮތުން މައުލޫމާތު ދެއްވާނެ ކަމަށް މަބްރޫކް ވިދާޅުވިއެވެ.

އެންމެ ފަހުން ރައީސް ސޯލިހް ނޫސްވެރިންނާއި ބައްދަލުކުރައްވާފައި ވަނީ މެއި މަހުގެ 25 ގައެވެ.

ރާއްޖޭގައި ކޮވިޑް-19އަށް ފައްސިވާ މީހުންގެ ޢަދަދު އިންތިހާއަށް އިތުރުވެ، ބަލީގައި ފަރުވާދޭ މީހުންނާއި ނިޔާވާ މީހުންގެ ޢަދަދު ވަނީ އިތުރުވާން ފަށައިފައެވެ.

އަދި މިކަމާ ގުޅިގެން މާލެ ޞަރަޙައްދާއި އަތޮޅުތަކުގައި ވެސް ޚާއްސަ ފިޔަވަޅުތަކެއް އަޅައި މިހާރު ދަނީ  ކާފިއު ވެސް ހިންގަމުންނެވެ.