ކުދިންގެ ހަށިގަނޑަށް އަންނަ ބަދަލުތައް އެކުދިންނަށް ބުނެދޭން ޖެހޭ: މެޑަމް ފަޒްނާ
ހެދިބޮޑުވަމުން އަންނަ ކުދިންގެ ހަށިގަނޑަށް އަންނަ ބަދަލުތަކާ ގުޅިގެން އެ ކުދިންގެ އުމުރާ ގުޅޭގޮތުން ސައްހަ މައުލޫމާތު ފޯރުކޮށްދީ ހޭލުންތެރިކަން އިތުރުކުރުމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ފަޒްނާ އަހްމަދު އިލްތިމާސް ކުރައްވައިފިއެވެ.
މެޑަމް ފަޒްނާ މި ފަދައިން އިލްތިމާސް ކުރެއްވީ "މެންސްޓްރުއަލް ހެލްތު އެޑިޔުކޭޝަން އެންޑް ސަސްޓެއިނަބަލް ޕީރިއަޑް"އާ ގުޅޭ ގޮތުން ރޭ ބޭއްވި ވެބިނާ އެއްގައި ވާހަކަފުޅު ދައްކަވަމުންނެވެ.
އެގޮތުން “ޕިއުބާޓީ”އާ ބެހޭގޮތުން ކުދިން ހޭލުންތެރި ކުރުވަން ޖެހޭކަން ފާހަގަ ކުރައްވައި މެޑަމް ވިދާޅުވީ، ޕިއުބަޓީއާ ގުޅިގެން ޖިސްމާނީ ގޮތުންނާ ބައޮލޮޖިކަލް ގޮތުން އަންހެން ކުދިންނާ ފިރިހެން ކުދިންގެ ހަށިގަޑަށް އަންނަ ބަދަލުތަކާ ގުޅޭ ސައްހަ މައުލޫމާތު ކުދިންނަށް ފޯރުކޮށްދޭންޖެހޭ ކަމަށެވެ.
މީގެ އިތުރުން މިއީ އުފަންވެނި ސިއްހަތާ ގުޅުން ހުރި ކަމަކަށްވާތީ މިކަމުން ދިމާވެދާނެ ކަންކަމަށް ޓަކައި ކުއްޖާގެ އުމުރާ ގުޅޭގޮތުން ހޭލުންތެރިކުރުވުމުގެ މުހިއްމުކަން ފާހަގަ ކުރައްވައި އެ ކަމަނާ ވިދާޅުވީ، މެންސްޓްރުއޭޝަންއަކީ އަމިއްލަ ސާފު ތާހިރުކަމާ ތިމާވެށީގެ ސާފުތާހިރުކަމާ ވެސް ގުޅިފައިވާ ކަމަކަށް ވާތީ ޕީރިއަޑް ވުމުން ކަންކުރަންވީ ގޮތް ވެސް ކިޔައި ދޭން ޖެހޭ ކަމަށެވެ.
މިކަމާ ގުޅިގެން ހުރި ގޮންޖެހުންތަކުގެ މައްޗަށް ވާހަކަފުޅު ދައްކަވަމުން އެ ކަމަނާ ވިދާޅުވީ، ކުއްޖާގެ އުމުރާ އެ މުޖުތަމައެއްގެ މާހައުލާ ގުޅޭގޮތުން ކަންކަން ކުރުމުގައި ދަތިތައް ދިމާވާ ކަމަށާއި، ޕިއުބަޓީގެ ވާހަކަ ދައްކަން ރަނގަޅީ ހެލްތް އެޑިޔުކޭޝަންގެ ތެރެއިން ކަމަށް ތަޖުރިބާކާރުންނާ ހަވާލާދީ ކަމަށެވެ.
ފަޒްނާއެވެ. ދިވެހި ދަރީން ކިޔަވަމުންދާ ކަރިކިއުލަމްގެ ވާހަކަ ދައްކަވަން ވާނީ އޭތި ަގަނޑުވެސް ބަލާލުމަށްފަހުނޫންތޯ. އޭގަ ވަރަށް ސޮރީހަ އިބާރާތުން ތިޔަ ވާހަކަ ހުރީގެނެވިފަ. އެކަން ނުހަނު ރަނގަޅަށް މުދައްރިސުން އެބަ ކުރިޔަށްގެންދޭ. ޕިއުބަޓީ ދެޖިންސްގެ ދަރިވަރުންނަށް އެބަނަގާ މިހާރުވެސް. ކަމަނާ ގައުމުތިބި ދަރިންނަށް ހެވެއް އެދޭނަމަ، މޮޅުވާހަކަ ނުފަޅުއްވާ މުވާސަލާތީ ހިދުމަތްދޭ ތަންތަނަށް ސިޓީއެއް ފޮނުވަބަލަ ބަރަހަނާ ސައިޓް ތަކަށް މިގައުން ނުވަދެވޭހެން.