އެސްޓްރާޒެނެކާ ވެކްސިން ބޭނުން ކުރުމުގެ ހުއްދަ ރާއްޖެއިން ދީފި
ކޮވިޑް-19އިން ދިފާއު ވުމަށް ޖަހާ އެސްޓްރާޒެނެކާ ވެކްސިން ރާއްޖޭގައި ބޭނުން ކުރުމަށް މިއަދު ހުއްދަ ދީފިއެވެ.
މޯލްޑިވްސް ފުޑް އެންޑް ޑްރަގް އޮތޯރިޓީއިން މި ދެ ވެކްސިން ބޭނުންކުރުމަށް ހުއްދަ ދީފައި ވަނީ މިހާރު އޮތް ހާލަތަށް ރިއާޔަތްކޮށް "ރެސްޓްރިކްޓެޑް ޔޫސް އޮން އިމަރޖެންސީ ސިޓުއޭޝަން" ގައި ބޭނުން ކުރުމަށާއި އުމުރުން 18 އަހަރުން މަތީގެ މީހުންނަށް ޖެހުމަށެވެ.
އެފްޑީއޭއިން ބުނެފައި ވަނީ މި ވެކްސިން ވެސް ރާއްޖޭގައި ބޭނުން ކުރުމުގެ ހުއްދަދީފައި ވަނީ މިކަމުގައި ފުރިހަމަކުރަން ޖެހޭ އެންމެހާ ލިޔެކިޔުންތައް ފުރިހަމަކުރުމަށް ފަހު ބަލަންޖެހޭ ޓެކްނިކަލް ކަންކަން ފުރިހަމައަށް ބަލައި ދިރާސާކޮށްފައި ކަމަށާއި ހުއްދަ ދީފައި ވަނީ ނޭޝަނަލް ފާރމަސޫޓިކަލް ބޯޑުގެ ލަފަޔާއި އިރުޝާދާއެކު ކަމަށެވެ.
އެސްޓްރަޒެނެކާ ވެކްސިންއަކީ ޑަބްލިއުއެޗްއޯގެ އެމަޖެންސީ ޔޫސް ލިސްޓިން (އީޔޫއެލް)ގައި ހިމެނޭ އަދި މިހާތަނަށް 115 ގައުމެއްގައި އެމަޖެންސީ ޔޫސް އެޕްރޫވަލް ލިބި އަދި ބޭނުން ކުރަމުންދާ ވެކްސިނެކެވެ. މި ގައުމުތަކުގެ ތެރޭގައި ޔޫކޭ، ކެނެޑާ، މެލޭޝިއާ، ސްޕެއިން، ފްރާންސް އަދި ޔުނައިޓެޑް އަރަބް އެމިރޭޓްސް ފަދަ ގައުމުތައް ހިމެނެއެވެ.
އެސްޓްރާޒެނެކާ ވެކްސިން ބަހައްޓަން ޖެހެނީ 2 ޑިގްރީ ސެލްސިއަސްއާއި 8 ޑިގްރީ ސެލްސިއަސްއާ ދެމެދުގެ ފިނިހޫނުމިނެއްގައެވެ. އެހެންކަމުން މި ވެކްސިނަށް ހުއްދަ ދީފައި ވަނީ، ވެކްސިން ރާއްޖެ އެތެރެ ކުރުމުގެ ކުރިން ވާންޖެހޭ ތައްޔާރީތަކާއި، ވެކްސިން އެތެރެ ކުރުމަށް ފަހުގައްޔާއި، އަދި އެ ހިފާ ގެންގުޅުމުގެ ހުރިހާ މަރުހަލާއެއްގައި ވެސް ކޯލްޑް ޗެއިން" ބެލެހެއްޓުމަށް ޝަރުތުކޮށްފައެވެ.
Ads by STO
