ކޮމިޓީ މެމްބަރުން ހަމަކުރުމަށް އިންތިޚާބެއް ބާއްވަނީ
އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ މެމްބަރުން ހަމަނުވާ ރަށްރަށުގެ އިންތިހާބު މިއަންނަ އޮގަސްޓުމަހުގެ ހަތްވަނަ ދުވަހު ބާއްވަން އިލެކްޝަންސް ކޮމިޝަނުން ނިންމައިފިއެވެ.
އިލެކްޝަންސް ކޮމިޝަނުން ވިދާޅުވީ އިންތިހާބު ކުރަންޖެހޭ އަދަދަށްވުރެ މަދުން މީހުން ކުރިމަތިލައިފައިވާ ދާއިރާތަކަށާއި އެއްވެސް މީހަކު ކުރިމަތިލައިފައި ނުވާ ދާއިރާތަކާއި ދެވަނަ ބުރުގައި އެއްވަރުވި ދާއިރާތަކަށް މެންބަރުން ހޮވުމަށް ބާއްވާ އިންތިޚާބު އަދި ލ. މާބައިދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަން މިއަންނަ އޮގަސްޓުމަހުގެ ހަތް ވަނަ ދުވަހު ބާއްވަން ނިންމައިފައިވާކަމަށެވެ. މިގޮތުން 9 ރަށެއްގައި އިންތިހާބު ބޭއްވުމަށް ހަމަޖެހިފައިވާކަމަަށް އިލެކްޝަން ކޮމިޝަނުން ވިދާޅުވިއެވެ.
އިންތިޚާބު ބާއްވާ ރަށްރަށަކީ ހދ. ނޮޅިވަރަމު، ހދ. ނޭކުރެންދޫ، ބ. ފުޅަދޫ، ކ. ދިއްފުށީ، އއ. ފެރިދޫ، ވ. ރަކީދޫ، މ. ރަތްމަންދޫ، ނ. މަގޫދޫ އަދި ލ. މާބައިދޫއެވެ.
އަދި މި އިންތިޚާބުގައި ވާދަކުރައްވަން ބޭނުންވާ ފަރާތްތަކުން އިންތިހާބަށް ކުރިމަތިލުމަށް އެދޭ މީހުން ހުށަހަޅަންޖެހޭ އެޕްލިކޭޝަން ފޯމު އިލެކްޝަންގެ ވެބްސައިޓް www.elections.gov.mv އިން ލިބޭނެ ކަމަށް އިލެކްޝަންސް ކޮމިޝަންއިން ވިދާޅުވެއެވެ.
އަންހެނުންގެ ތަރައްގީއަށް މަސައްކަތްކުރާ ކޮމިޓީއަށް ވާދަކުރައްވަން ބޭނުންވާ ފަރާތްތަކުން، 2021 ޖޫން 23 ވާ ބުދަ ދުވަހުގެ 9:30 ން ފެށިގެން، 2021 ޖުލައި 08 ވާ ބުރާސްފަތި ދުވަހު 13:00 ގެ ނިޔަލަށް ފޯމު ހުށައެޅުމުުގެ ފުރުސަތު ވަނީ ހުޅުވައިލައިފައެވެ.
Ads by STO
