241 ކޮމިޓީއަށް އިލްޔާސް ލަބީބުގެ ބަދަލުގައި އިމްތިޔާޒް ފަހުމީ
ރައްޔިތުންގެ މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީ ނުވަތަ 241 ކޮމިޓީއަށް ހުޅުދޫ ދާއިރާގެ މެމްބަރު އިލްޔާސް ލަބީބުގެ ބަދަލުގައި މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ ހަމަޖައްސަވައިފިއެވެ.
މިއަދުގެ ޖަލްސާ ފައްޓަވައި ދެއްވަމުން މަޖިލީހުގެ ނައިބު ރައީސް އީވާ ޢަބްދުﷲ ވިދާޅުވީ ސަލާމަތީ ޚިދުމަތްތަކާ ބެހޭ ކޮމިޓީގައި އެމްޑީޕީ ތަމްސީލުކުރައްވާ މެންބަރެއްގެ ގޮތުގައި ހުންނެވި މެންބަރު އިލްޔާސް ލަބީބްގެ ބަދަލުގައި، އިމްތިޔާޒް ފަހުމީ މަޖިލީހުގެ ޤަވާޢިދުގައިވާ ގޮތުގެ މަތީން، ހަމަޖައްސާފައިވާ ކަމަށެވެ.
އެ ކޮމިޓީން އިލްޔާސް ލަބީބް ވަކިވެވަޑައިގަތީ މިދިޔަ ހަފްތާގައެވެ. އެނގިފައިވާ ގޮތުގައި އޭނާ 241 ކޮމިޓީން ވަކިވެވަޑައިގެންނެވީ ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް ހަމަލާދިނުމުގެ ކުރިން އެފަދަ ހަމަލާއެއް ރާވާކަމުގެ މައުލޫމާތު ޑިފެންސް މިނިސްޓަރާ ހިއްސާކޮށްފައިވާކަން ހާމަކޮށް އެކަމާ ގުޅޭގޮތުން 241 ކޮމިޓީއަށް ބަޔާނެއް ވެސް ދެއްވައިފައެވެ. އަދި ރައީސް ނަޝީދަށް އަމާޒުކޮށް ދިން ބޮމުގެ ހަމަލާއާ ގުޅިގެން މަޖިލީހުން ކުރިއަށްގެންދާ އިންކުއަރީއަށް، މެންބަރު އިލްޔާސް ލަބީބް ވަނީ މިމަހުގެ 26 ވަނަ ދުވަހު ހާޒިރުކޮށް ސުވާލު ވެސް ކޮށްފައެވެ.
ކުރީގެ ރައީސް މުޙައްމަދު ނަޝީދަށް ދެމުން ގެންދާ ސަލާމަތާއި ރައްކާތެރިކަން ބްރީޗްވި ގޮތް ހޯދުމަށް 241 ކޮމިޓީން ކުރިއަށް ގެންދާ ޕާލަމެންޓަރީ އިންކުއަރީގައި އެކި ފަރާތްތަކާ ބައްދަލުކޮށް މައުލޫމާތު އެއްކޮށްފައިވާއިރު، މިހާރު ކޮމިޓީން ކުރިއަށް ގެންދަނީ އިންކުއަރީގެ ރިޕޯޓު އެކުލަވައިލުމުގެ މަސައްކަތެވެ.
ރާއްޖޭގެރައީސުލްޖުމްހޫރިއްޔާ ދިރިއުޅުއްވާ ރަސްމީ ގެކޮޅުގެ ގޮތުގައި ކުރިން ބޭނުންކުރި ތީމުގެހަލާކުކޮއްލާ އެތަން އާންމުކޮށް ކިލަނބު ކޮއްލީ ތިބުނާ އެމްޑީޕީގެ މީހުނާ ކެނެރީގޭ ނަސީދު އުނބަށްޖެހީދޯ