ރިސޯޓު މުވައްޒަފުން ކަރަންޓީނު ނުވެ ރަށަށް ދިއުމުގެ ހުއްދަ ދޭން ނިންމައިފި
ރިސޯޓު މުވައްޒަފުން ކަރަންޓީނު ނުވެ ރަށަށް ދިއުމުގެ ހުއްދަ ދޭން ނިންމައިފިއެވެ.
ޓުއަރިޒަމް މިނިސްޓަރ އަބްދުﷲ މައުސޫމް ކުރެއްވި ޓްވީޓެއްގައި ވިދާޅުވީ ރިސޯޓު މުވައްޒަފުން ވެކުސިން ފުރިހަމަކޮށް 14 ދުވަސް ވުމުން ޕީސީއާރު ޓެސްޓުން ނައްސި ނަތީޖާއާ އެކު ކަރަންޓީނުވާން ނުޖެހި ރަށަށް ދިއުމުގެ ހުއްދަ ދޭން ރައީސް ޞާލިޙް ނިންމަވައިފައިވާ ކަމަށެވެ.
މިނިސްޓަރ ވިދާޅުވީ ކަރަންޓީނާ ނުލައި ދަތުރުކުރެވޭނީ މޮނިޓަރިންގެ ހާލަތުގައި ނެތް ރަށްތަކަށް ކަމަށެވެ. އަދި މިކަމާ ގުޅޭ އިތުރު ތަފުސީލު އެޗުޕީއޭއިން ލިބުމުން ޓޫރިޒަމް މިނިސްޓްރީން ރިސޯޓުތަކަށް އަންގާނެ ކަަމަށް ވެސް މިނިސްޓަރު މައުސޫމް ވިދާޅުވިއެވެ.
މިނިސްޓަރ މިފަދައިން ވިދާޅުވެފައި ވަނީ ކޮވިޑް-19 ކޮންޓްރޯލް ކުރުމަށް މިހާރު ރާއްޖޭގައި އަޅައިފައިވާ ފިޔަވަޅުތަކަށް ދޭ އިތުރު ލުއިތައް މިއަދު އިއުލާންކުރަން ނިންމަވައިފައި ވަނިކޮށެވެ.
Ads by STO
