ހުރިހާ ސްކޫލްތަކަށް މުދައްރިސުން ހަމަ ވާނެ: އެޑިއުކޭޝަން
މި އަހަރުގެ ދިރާސީ އައު އަހަރުގެ ކިޔެވުން މި މަހުގެ 10ގައި ފެށޭއިރު ހުރިހާ ސްކޫލަކަށް މުދައްރިސުން ހަމަވާނެ ކަމަށް އެޑިއުކޭޝަން މިނިސްޓްރީން ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި އެ މިނިސްޓްރީގެ ޑެޕިއުޓީ މިނިސްޓަރ އަޙްމަދު މުޖާހިދު ވިދާޅުވީ މިއަހަރުގެ ސްކޫލްތައް ހުޅުވޭއިރު ދަރިވަރުންނަށް ފިލާވަޅުތައް ނުގެއްލޭނެ ގޮތަށް އިންތިޒާމްތައް ހަމަޖައްސައިފައި ވާނެ ކަމަށެވެ.
އަންނަ އަންގާރަ ދުވަހު ހުރިހާ ސްކޫލެއްގައި ކިޔެވުން ފެށޭނެ ކަމަށް ވިދާޅުވަމުން މުޖާހިދު ވިދާޅުވީ ސްކޫލްތަކަށް ބޭނުންވާ މުދައްރިސުން މިހާރު ވެސް ހަމަވެފައިވާ ކަމަށާއި މުދައްރިސުން އިތުރުކުރުމުގެ މަސައްކަތް އަދިވެސް ކުރައްވަމުން އަންނަ ކަމަށެވެ.
މުޖާހިދު ވިދާޅުވީ ވެކްސިން ފުރިހަމަ ކޮށްގެން ބޭރުން އަންނަ މުދައްރިސުންގެ ތެރެއިން ކިޔެވުން ފެށޭއިރު ކަރަންޓީނުގައި ތިބި މުދައްރިސުންނަށް ވެސް އޮންލައިންކޮށް ކިޔަވައިދޭނެ އިންތިޒާމްތައް ހަމަޖައްސަވައިފައި ވާކަމަށެވެ.
މި ބައްދަލުވުމުގައި އެޑިއުކޭޝަން މިނިސްޓަރ ޑރ.އައިޝަތު އަލީ ވިދާޅުވީ މިފަހަރުގެ ޓެކްސްޓް ފޮތްތަކުގެ ޑިޖިޓަލް ކޮޕީ ވެސް ލިބިގެން ދާނެ ކަމަށެވެ. އަދި ގްރޭޑް 9އާއި 11 ދަރިވަރުންނަށް މިފަހަރު ޑިޖިޓަލް ފޮތްބައިން ކިޔަވައިދޭނެ ކަމަށް ވެސް މިނިސްޓަރ ވިދާޅުވިއެވެ.
ސުބުހާނަﷲ ތިވަަރުގެ ބޮޑެތި ދޮގުތައް ނުހައްދަވާ! ހއ ގެ ސުކޫލަކުން 6 ޓީޗަރުން މަދުކަމަށް މިއަދު ބޭއްވި ބައްދަލުވުމެއްގައި ޕްރިންސިޕަލް ބުނުއްވި.
ޙަމައެއްނޫން.ގައްދޫގަިވެސް ބިޒުނަސް ތީޗަރެއްނެތް
ތިއެއްއެގޭނީކިޔެވުން ފެށުނީމަ . މިސަރުކާރުގެ ފުރަތަމައަހަރު ވެސް ތިފަދަދޮގުތައްހެދި . ޓީޗަރުން ހަމަވާނެއޭކިޔާ. ކޮންމެވެސް އެއްގަޑިއެއް ދެގަޑިއެއް ފުރީނުވެނުދާނެ . ކޮންމެދުވަހަކުވެސް ލިޔަން މިއަދު މިގަޑި އެއް ފުރީވެއްޖެއޭކިޔާ އަހަރު ނިމިގެންދިއައީހިސާުބު ޓީޗަރެއްނެތި ކުދިން ހިސާބަށް ވުރެ ހިސާބަށްދަށްވެގެން .
ތިވަރުގެ ދޮގު ނުހަދާ
ހުސް ދޮގު..ޓީޗަރުން ހަަމަ ނުވާއެތައް ސްކޫލެއް އެބަހުރި.ފޮތްތަށްެވެސް ހަމައެއްނޫން.ޓީޗަރުންނަށް އެދިގެންވެސް ނުލިބިފަ.ފިނޭންސުން ހުއްދަ ނުދީފަ..ސިޔާސީ މަގާމެއްނޫންވީމަ..