ސްކޫލް ޓީޗަރަކާއި މުވައްޒަފެއް ފައްސިވެ ގާފަރު މޮނީޓަރިންއަށް
ކ. ގާފަރު ސްކޫލުގެ ޓީޗަރަކާއި މަސައްކަތު މުވައްޒަފެއް ކޮވިޑް-19އަށް ފައްސިވެގެން އެ ރަށަށް އަރައި ފޭބުން މަނާކޮށްފިއެވެ.
ގާފަރު މޮނީޓަރިންގަށް ލައިފައިވަނީ މިއަދު ހަވީރުގެ ވަގުތެއްގައި ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ވަނީ ހާމަ ކޮށްފައެވެ.
އެޗްޕީއޭއިން ބުނީ ކޮވިޑަށް ފައްސި ވޭދަނަތަކެއްގެ އެއްތާވި މީހުން ހޯދުމުގެ މަސައްކަތް ނިމެންދެން ގާފަރަށް އަރައި ފޭބުން މަނާ ވާނެ ކަމަށެވެ.
ގާފަރާ އެކު މިވަގުތު މޮނީޓަރިންގެ ހާލަތުގައި އޮތީ 18 ރަށެކެވެ. އެއީ ރ. ދުވާފަރާއި ކ. ކާށިދުއާއި ށ. ފީވަކާއި ހއ. ތަކަންދުއާއި ދ. ކުޑަހުވަދުއާއި އއ. ހިމަންދުއާއި ހދ. މަކުނުދޫގެ އިތުރުން ބ. އޭދަފުއްޓާއި ބ. ކަމަދުއާއި އދ. ހަންޏާމީދުއާއި ހދ. ނެއްލައިދުއާއި ހއ. އިހަވަންދުއާއި ގދ. ތިނަދުއާއި އދ. ދަނގެއްޗާއި ގއ. މާމެންދުއާއި ގއ. ކަނޑުހުޅުދުއާއި މ. މަޑުއްވަރީ ، ރ. އަލިފުށި އަދި މިއަދުން ފެށިގެން ކ. ގާފަރެވެ.
